Ուկրաինայի 466 հազար քաղաքացիներ են վերաբնակվել երկրի տարբեր շրջաններում

Ուկրաինայի սոցիալական քաղաքականության առաջին փոխնախարար Վիտալի Մուշչինինը հայտնել Է, որ շուրջ 466 հազար ուկրաինացիներ լքել են իրենց մշտական բնակության վայրերը եւ վերաբնակվել հանրապետության այլ տարածշրջաններում, տեղեկացնում Է «Արմենպրես»-ը:

Ավելի վաղ Ուկրաինայի արտակարգ իրավիճակների պետական ծառայությունը հաղորդել Էր, որ Դոնբասում հատուկ ուժային գործողությանն գոտուց ավելի քան 320 հազար մարդ Է վերաբնակվել երկրի այլ տարածաշրջաններում:

Սեպտեմբերի վերջին ՄԱԿ-ի՝ ներքին վերաբնակների իրավունքների գծով հատուկ զեկուցող Չալոկա Բեյանին հայտարարել Է, որ Դոնբասում զինված հակամարտության պատճառով երկրի ներսում փախստականների թիվը կարող Է հասնել 900 հազարի:

«Ընդհանուր առմամբ այսօր Ուկրաինայում գրանցված Է 466 հազար վերաբնակված անձ, 212 հազարը հաշվառման մեջ են»,-ասել Է Մուշչինինը կառավարության՝ նոյեմբերի 19-ին կայացած նիստում:

Նրա խոսքով՝ ներկայում շուրջ 20 հազար վերաբնակներ հաստատվել են Կիեւում, բայց առավել մեծ թվով վերաբնակվածներ են գտնվում Խարկովի, Դոնեցկի, Լուգանսկի եւ Օդեսայի մարզերում:

ՄԱԿ-ի՝ նոյեմբերի 11-ի տվյալներով՝ Ուկրաինայում շարունակվող հակամարտության զոհ են դարձել ավելի քան 4,1 հազար խաղաղ բնակիչներ, վիրավորվել Է ավելի քան 9,7 հազար մարդ, հաղորդել Է ՌԻԱ Նովոստին: