«168 ժամ». Գերարժեզրկվող Հայաստան
Նմանատիպ
Ներկայացնում ենք թերթի առաջնորդողից մի հատված.
«Հայաստանի հասարակական-քաղաքական օրակարգում տարիներ շարունակ ամենաշատը հնչած գնահատականն այն է, որ մարդիկ, քաղաքացիները կորցրել են վաղվա օրվա նկատմամբ հույսը և հավատը: Հենց դա է ամենամեծ չափով արտագաղթի ամենախորքային պատճառը: Այն, ինչ վերջին շաբաթներին կատարվում է Հայաստանում՝ կապված դրամի փոխարժեքի գահավիժման և ժամ առ ժամ արձանագրվող թանկացումների հետ, մարդկանց զրկել է ոչ միայն վաղվա, այլև անգամ այսօրվա նկատմամբ հավատից:
Քաղաքացիները լսում են խուճապի չմատնվելու մասին՝ իշխանությունների կոչերը, բայց մինչ փորձում են հետևել կոչերին, բանկերում, տարադրամի փոխանակման կետերում ու խանութներում հերթական արժեզրկումն են արձանագրում: Իրականում այս օրերին արժեզրկվում է ոչ թե հայկական դրամը, այլ ՀՀ քաղաքացու կյանքը, ոչ թե արժեզրկվում, այլ, ինչպես երեկվանից իշխանության ներկայացուցիչներն են հայտարարում՝ գերարժեզրկվում է ժամ առ ժամ: Ոչ միայն դրամական, այլ նաև բարոյահոգեբանական առումով: Եվ եթե դրամի փոխարժեքի անկման նյութական հետևանքները գոնե տեսականորեն կարող են վերացվել, ապա նույնը շատ դժվար է ասել մարդկանց, քաղաքացիների հավատի մասին, որը բանկերում ու տարադրամի փոխանակման կետերում չի վաճառվում: Անգամ գերարժեզրկված փոխարժեքով»,–գրում է թերթը։
Ամբողջությամբ՝ թերթի այսօրվա համարում։
Հետևեք մեզ նաև Telegram-ում