Տասնյակ երթուղիների վարորդներ գործադուլ են հայտարարել. Ազատություն ռադիոկայան
Նմանատիպ
Երթուղայինների վարորդների՝ երեկվանից սկսած գործադուլը այսօր առավոտից արդեն նոր թափով տարածվել էր նաև մայրաքաղաքի այլ համայնքներում:Այս մասին տեղեկացնում է Ազատություն ռադիոկյանը: Նորքի զանգվածները սպասարկող տասնյակ երթուղիների վարորդները նախ փորձեցին փողոց փակել, իրավապահների միջամտությունից հետո հարյուրի հասնող «Գազել»-ները տեղափոխվեցին Մյասնիկյանի պողոտա՝ իրար հետևից կայանելով փողոցի երկայնքով: Վարորդները կանգնեցնում էին գործադուլին չմիացած գործընկերների մեքենաները՝ հորդորում իրենց հետ շարունակել բողոքի ցույցը:
Ոստիկանները ցուցարարներին կոչ արեցին բողոքի ակցիան կենտրոն չտեղափոխել՝ խցանումներ չառաջացնելու համար:
Վարորդների պնդմամբ՝ գազի թանկացման պատճառով վերջին օրերին աշխատել են վնասով՝ գծատերերին պարտք մնալով 30-ից 60 հազար դրամ:
«Ես, փաստորեն, աշխատում եմ ուրիշի համար: Հինգ օր է՝ մեկը եկե՞լ հարցրել է վարորդներին՝ դուք էսօր փող առե՞լ եք: Մենակ պարտքեր ենք արել, որ այս քանի օրը մի քիչ աշխատել ենք՝ հիմա այդ պարտքերը ուզում են, ո՞նց տանք», – մեզ հետ զրույցում ասաց վարորդներից մեկը:
«Գազ են թանկացնում, սաղ ուտելիքները թանկացրել են», – դժգոհեց մեկ այլ վարորդ:
Հետևեք մեզ նաև Telegram-ում