Ռաուլ Կաստրոն ողջունում է Կուբայի նկատմամբ ԱՄՆ-ի նախաձեռնությունը
Նմանատիպ
Կուբան ողջունում է ԱՄՆ նախագահի` երկու երկրների միջև նոր էջ բացելու որոշումը: Այդ մասին հայտարարել է Կուբայի առաջնորդ Ռաուլ Կաստրոն: «Ողջունում ենք Օբամայի որոշումը` նոր էջ բացելու երկու երկրների հարաբերություններում և զգալի փոփոխություններ կատարելու Կուբայի նկատմամբ վերջին կես դարում իրականացվող քաղաքականության մեջ: Երախտապարտ ենք Կուբայի շրջափակման փոփոխության հարցը Կոնգրեսում քննարկելու նրա մտադրության համար»,- «Արմենպրես»-ի փոխանցմամբ` ասել է Կաստրոն:
Նրա խոսքով` իրենք կիսում են այն միտքը, որ կարող է երկու երկրների միջև բացվել հարաբերությունների նոր էջ: «Կատարվել է կարևոր քայլ, սակայն մնում է ամենակարևորը` շրջափակման դադարեցումը, որը վերջին տարիներին ավելի է խստացվել, հատկապես ֆինանսական ոլորտում»,- «Ռիա-նովոստի»-ի հաղորդմամբ` նշել է Կաստրոն:
Դեկտեմբերի 18-ին Սպիտակ տունը հայտարարեց Կուբայի հետ հարաբերությունների կարգավորման պատմական նախաձեռնության մասին, որը նախատեսում է դիվանագիտական հարաբերությունների հաստատում, որոնք խզվել են դեռևս 1961 թվականից, ներդրումների աճ և առևտուր, փոխադարձ այցերի սահմանակափման վերացում, Կուբայի տարածքում ամերիկյան կրեդիտ-քարտերի օգտագործում:
Հետևեք մեզ նաև Telegram-ում