Ադրբեջանի ԳԱԱ գիտնականի «հանճարեղ» բացահայտումը. երկրագունդը չի պտտվում
Նմանատիպ
Ադրբեջանի գիտությունների ազգային ակադեմիայի ձեռագրերի ինստիտուտի աշխատակից, փիլիսոփայության դոկտոր Աքրամ Հասանովը սոցիալական ցանցերում գրառել է, թե սուտ է գիտական այն պնդումը, որ երկրագունդը պտտվում է իր առանցքի շուրջը:
Moderator.az-ը, հղում կատարելով ANS PRESS-ին, հայտնում է, որ «գիտնականը» գրել է, որ որոշ երկրներում 6 ամիս ցերեկ, 6 ամիս գիշեր է լինում, եւ հայտարարել, որ չի հավատում գիտական այն պնդմանը, թե երկրագունդը պտտվում է:
«Նորվեգիայի հյուսիսում արեւը 3 ամիս մայր չի մտնում: Եթե երկագունդը պտտվեր, արեւը մայր կմտներ: Նշանակում է, պետք է հասկանանք, որ չնայած մեզ հրամցվող տեղեկությունները գիտական են, դա ապացուցող հզոր փաստարկների կարիք կա: Նույնիսկ` 6 ամիս ցերեկ, 6 ամիս գիշեր ունեցող երկրներ կան: Այդ ինչպես է երկրագունդը պտտվում, որ այդ երկրներում գիշերն ու ցերեկը տեւում են 6-ական ամիս», -զարմանք է հայտնել է նա:
Իր այդ «բացահայտումներով» ադրբեջանցի «գիտնականը» եզրահանգել է. «Ստացվում է, որ այդ երկրներում երկրագունդը 6 ամիս չի պտտվում: Ինչպես տեսնում եք, չպետք է մոռանանք, որ մեր կարդացածներն ու որպես գիտություն մեր ընդունած երեւույթները դեռեւս մութ են մնում մեզ համար»:
Ադրբեջանցի «գիտնականի» օրինակը, ում դոկտորական թեզն արդեն հաստատել է Գիտությունների ակադեմիայի նախագահությունը, խոսում է Ադրբեջանի գիտությունների ազգային ակադեմիայի «հզոր» գիտական մակարդակի մասին:
Ինչպես երեւում է, Ադրբեջանի գիտությունների ազգային ակադեմիայի աշխատակիցը իր այդ «հանճարեղ» կասկածը հիմնավորել է Սաուդյան Արաբիայից իմամ, շեյխ Բանդար ալ Հայբարիի այն ծիծաղելի պնդումով, թե «երկրագունդը չի կարող պտտվել իր առանցքի շուրջը»: Դրանից հետո նման պնդումով հանդես էր եկել նաեւ ադրբեջանցի հաջի Գամաթ Սուլեյմանովը:
Սաուդյան հոգեւորականության ներկայացուցիչ Բանդար ալ Հայբարին ավելի վաղ մատների վրա «ապացուցել էր», որ երկրագունդը չի կարող պտտվել իր առանցքի շուրջը: Պատասխանելով ուսանողի հարցին այն մասին, թե երկրագունդն արդյոք պտտվո՞ւմ է կամ մնում է անշա՞րժ, նա նախ ցիտել է կրոնավորներին ու սուրբ տեքստերից մեջբերումներ արել, հետո որոշել է բերել սեփական «տրամաբանական» փաստարկները: Նա ձեռքն է վերցրել ջրով անոթ եւ առաջարկել պատկերացնել, որ դա երկրագունդն է, իսկ դիտողը նրա շուրջը ինքնաթիռով թռչում է ԱՄԷ-ից Չինաստան: Եթե ինքնաթիռը կանգնի օդում, եւ երկրագունդը պտտվի, ապա Չինաստանը կամ ինքը կշարժվի ինքնաթիռին ընդառաջ, կամ հակառակը` անընդհատ «կփախչի» իրենից, «տրամաբանել» էր նա:
Հետևեք մեզ նաև Telegram-ում