Ռումինիայում հարգել են Սումգայիթյան ոճրագործության զոհերի հիշատակը
02/03/2015 20:56
Նմանատիպ
Ռումինիայի Հայոց թեմի Ս.Հրեշտակապետաց եկեղեցում թեմակալ առաջնորդ Տաթև եպիսկոպոս Հակոբյանի հանդիսապետությամբ տեղի է ունեցել հոգեհանգստյան կարգ` Սումգայիթյան ոճրագործության զոհերի հիշատակին: Ինչպես «Արմենպրես»-ին փոխանցեցին Ռումինիայի Հայոց Թեմի մամուլի դիվանից, հոգեհանգստյան կարգից հետո Տաթև սրբազանի առաջնորդությամբ ներկաները ծաղիկներ են դրել եկեղեցու բակում` Ցեղասպանության զոհերի հիշատակին նվիրված խաչքարին:
Սրբազան Հայրն իր խոսքում նշել է, որ հայերի պարտքն է հիշել բոլոր անմեղ զոհերին և անմահ պահել նրանց վառ հիշատակը: Նա նաև հորդորել է գիտակցաբար մոտենալ այն գաղափարին, որ յուրաքանչյուրի պարտականությունն է միասնաբար ցույց տալ, որ կանգնած ենք պաշտպանելու և պահանջելու ազգային շահերը:
Հետևեք մեզ նաև Telegram-ում