Լ. Զուրաբյանը հիշեց իր և Վ.Օսկանյանի մասնավոր զրույցի գաղտնալսումը և մերժեց «Մեծ եղբոր ամենատես աչքը»
Նմանատիպ
Աժ-ում «Անձնական տվյալների պաշտպանության մասին» օրենքի նախագծի քննարկմանը ՀԱԿ խմբակցության ղեկավար Լևոն Զուրաբյանը մի փոքր շեղվեց թեմայից և նկատեց, որ ՀՀ-ում մեծագույն խնդիրը շարունակում է մնալ Սահմանադրության և օրենքների կոպտագույն խախտումով ՀՀ հատուկ ծառայությունների կողմից իշխանության ընդդիմախոսների նկատմամբ իրականացվող տոտալ գաղտնալսումը, լրտեսումը, անձնական տվյալների հավաքումը.«Սահմանում մեր անհաջողությունները կապված են նրա հետ, որ մեր հատուկ ծառայությունները և հետախուզությունն իրենց պոտենցիալի մեծագույն մասն ուղղում են ընդդիմադիրների լրտեսմանը և ոչ թե փորձում հետախուզություն անցկացնել հակառակորդի նկատմամբ»:
Այս համատեքստում Զուրաբյանը հիշեց իր և ԲՀԿ խմբակցությունից Վարդան Օսկանյանի մասնավոր զրույցի գաղտնալսումը, որի հետաքննության արդյունքներին սպասում են մինչ օրս: Նա պնդեց, որ իշխանության կողմից ձայնագրությունը մոնտաժված է եղել քարոզչական նպատակով:
Այս ֆոնի վրա «Անձնական տվյալների պաշտպանության մասին» օրենքի նախագծով հանդես գալը համարեց երեսպաշտություն:
Հետևեք մեզ նաև Telegram-ում