Կոպերատիվներն ավելի երկարակյաց են, քան ներդրումային ընկերությունները
Նմանատիպ
Կոոպերատիվները դեռևս գոյություն են ունեցել շուրջ երկու հարյուր տարի առաջ, կոոպերատիվները ավելի երկարակյաց են, քան ներդրումային ընկերությունները: Կոոպերատիվ մոդելը մշտապես հարմարվել է փոփոխվող պայմաններին, և տարբեր խնդիրներին լուծում տալու համար առաջացել են կոոպերացիայի նոր ձևեր: Կոոպերատիվները զարգացել են տնտեսական, քաղաքական և մշակութային առումով իրարից խիստ տարբեր երկրներում:
Պատմական վկայությունները ցույց են տալիս, որ կոոպերատիվները ավելի հաջողությամբ են դիմակայում ճգնաժամերի ազդեցությանը:
ՀՀ-ում գյուղատնտեսական կոոպերատիվների ներդրումը ունի մի շարք պատճառներ, որոնցից են առկա ռեսուրսները խնայելը, գյուղատնտեսության արտադրական, սպասարկման, մատակարարման իրացման խնդիրներն հեշտ լուծելը, արտադրողների թույլ ներուժը հզորացնելը և արդյունավետության բարձրացումը:
Գյուղատնտեսական կոոպերացիան թույլ կտա ավելացնել գյուղատնտեսության ծավալները շնորհիվ` աշխատանքի արտադրողականության և արդյունավետության բարձրացման, որը իր հերթին թույլ կտա կրճատել գյուղատնտեսության մեջ զբաղվածների թվաքանակը և նրանց ներգրավել գյուղատնտեսության սպասարկման ոլորտում: Բացի դա կոոպերացիան թույլ կտա արտադրաված գյուղատնտեսական հումքի մեծ մասը վերամշակել գյուղական համայնքներում:
Կոոպերատիվների ձևավորման և դրանց աջակցության ուղղությամբ պետական մակարդակով կատարվել են մի շարք քայլեր, որոնցից են` կոոպերացիայի բնագավառի իրավական դաշտի կատարելագործումը, կոոպերացիայի սկզբունքների, առավելությունների վերաբերյալ գյուղատնտեսությունում տնտեսավարողների շրջանում իրազեկվածության մակարդակի բարձրացումը և գյուղատնտեսական կոոպերատիվների աջակցության ինստիտուցիոնալ կառույցների ձևավորումը: Մշակվել է «Գյուղատնտեսական կոոպերատիվների» մասին ՀՀ օրենքի նախագիծը, որն ենթարկվել է միջազգային փորձաքննության, ներկայումս քննարկումների և լրամշակման փուլում է:
Իրականացված քայլերերը արդեն տվել են իրենց արդյունքները, որոնցից ամենացայտունը դա հանրապետության անասնապահությամբ մասնագիտացված 6 մարզերի (Արագածոտնի, Լոռու, Շիրակի, Տավուշի, Գեղարքունիքի և Սյունիքի) 91 համայնքներում ձևավորված «Համայնքի արոտօգտագործողների միավորում» սպառողական կոոպերատիվներն են:
Այս կոոպերատիվների անդամներ են դարձել շուրջ 12876 գյուղաբնակ ընտանիքներ։ Կոոպերատիվներին տրամադրվել է տարբեր բնույթի աջակցություն, այդ թվում`545 միավոր գյուղատնտեսական տեխնիկա, կառուցվել է 165 կմ ջրագիծ, տեղադրվել է 204 խմոց, 49000 քառ. մետր տարածության վրա կատարվել է արոտների ճանապարհների անցանելիության ապահովման աշխատանքներ, հեռագնա արոտավայրերում կառուցվել են 8050 քառ. մետր ընդհանուր մակերեսով 12 փարախներ, անասնապահի 12 տնակներ:
Արոտօգտագործողների սպառողական կոոպերատիվներից բացի, հանրապետությունում գործում են նաև ավելի քան 115 գյուղատնտեսական ուղղվածության կոոպերատիվներ, որոնցից շուրջ 35-ը ձևավորվել են ՀՀ գյուղատնտեսության նախարարության խորհրդատվական համակարգի աջակցությամբ:
Եվրոպական երկրներում գյուղատնտեսական կոոպերատիվների գումարային շուկայաբաժինը կազմում է մոտ 60 տոկոս, ԱՄՆ-ում մոտ 28 տոկոսը:
Հետևեք մեզ նաև Telegram-ում