Հադրոնային մեծ քոլայդերը հասցվել Էներգիայի՝ ռեկորդային բարձր մակարդակ. CERN
Նմանատիպ
Ժնեւի մերձակայքում գտնվող Հադրոնային մեծ քոլայդերը, որը լիցքավորված մասնիկների՝ աշխարհում խոշորագույն արագացուցիչն Է, արդիականացումից հետո առաջին անգամ դուրս Է բերվել պրոտոնների փնջերի թափառքի Էներգիայի առավելագույն բարձր մակարդակ՝ 6,5 տերաԷլեկտրոնվոլտ (ՏԷՎ): Այս մասին, ինչպես տեղեկացնում Է «Արմենպրես»-ը, ՏԱՍՍ-ին հայտնել Է Եվրոպայի միջուկային հետազոտությունների կազմակերպության (CERN) մամուլի ծառայության ղեկավար Առնո Մարսոլիեն:
«Դա ռեկորդային մեծ Էներգիա Է,- նշել Է նա:- Մեկ ուղղությամբ շրջանառվող պրոտոնների փնջի համար 6,5 ՏԷՎ մակարդակը ձեռք Է բերվել ապրիլի 10-ին, իսկ հաջորդ օրն այդ Էներգիան ձեռք Է բերվել նաեւ հակառակ ուղղությամբ շրջանառվող փնջի համար»: «Դա մեծ նվաճում Է,- ընդգծել Է Մարսոլիեն:- Նման բան Հադրոնային մեծ քոլայդերում դեռեւս չի եղել»:
Ինչպես նշում Է ՏԱՍՍ-ը, արագացուցիչը, որն իրենից ներկայացնում Է 27-կիլոմետրանոց «օղակ», կառուցվել Է Շվեյցարիայի եւ Ֆրանսիայի տարածքի տակ գտնվող թունելում: Այն գործարկվել Է ապրիլի 5-ին երկու տարի շարունակված արդիականացումից հետո, որի նպատակն Է եղել փնջերի բախման Էներգիայի մեծացումը: Եթե նախկինում այն կազմում Էր 8 ՏԷՎ (4-ական ՏԷՎ յուրաքանչյուր փնջի համար), ապա այժմ՝ 13 ՏԷՎ (6,5-ական ՏԷՎ յուրաքանչյուր փնջի համար):
Գիտնականների կարծիքով՝ դա նոր հնարավորություններ կբացի հետազոտությունների համար:
Հետևեք մեզ նաև Telegram-ում