Եվրամիությունն անօրինական միգրացիայի դեմ պայքարի՝ 10 կետից բաղկացած ծրագիր Է մշակել

Եվրամիությունն անօրինական միգրացիայի դեմ պայքարի՝ 10 կետից բաղկացած ծրագիր Է մշակել

Եվրամիության արտաքին եւ ներքին գործերի նախարարները Լյուքսեմբուրգում՝ գերագույն ներկայացուցիչ Ֆեդերիկա Մոգերինիի նախագահությամբ կայացած համատեղ խորհրդակցությունում հավանություն են տվել միգրանտների հետ կապված ճգնաժամային իրադրության հաղթահարման համար 10 կետից բաղկացած պլանին, հաղորդում Է «Արմենպրես »-ը՝ հղում անելով BBC-ին:

Պլանը ներկայացվել Է ներքին գործերի գծով Եվրահանձնաժողովի անդամ Դիմիտրոս Ավրամոպուլոսի կողմից եւ ստացել Է հավաքվածների լիակատար պաշտպանությունը:

«Այս գործողությունները պահանջում են մեր ընդհանուր ջանքերը ԵՄ-ի գերատեսչությունների եւ (Եվրամիության) 28 անդամ պետությունների կողմից: Մենք այս առաջարկությունները կներկայացնենք Եվրախորհրդի քննարկմանը, որն ապրիլի 23-ին կհավաքվի արտահերթ նստաշրջանի, որպեսզի քննարկի Միջերկրական ծովում ստեղծված իրադրությունը»,- ասված Է Մոգերինիի եւ Ավրամոպուլոսի համատեղ հայտարարության մեջ:

Եվրախորհրդի նախագահ Դոնալդ Տուսկը դրամատիկ Է համարել միգրանտների հետ կապված իրադրությունը եւ ընդգծել Է, որ այն վերաբերում Է ամբողջ Եվրոպային:

Եվրամիության նախարարների կողմից հավանության արժանացած միջոցառումների ցուցակը ներառում Է անօրինական միգրացիայի դեմ պայքարի ֆինանսավորման ավելացում, մաքսանենգների նավերի բռնագրավում եւ ոչնչացում, միգրանտների մատնադրոշմների գրանցում, պլանավորվում Է Եվրոպայի ապաստանի տրամադրման հարցերի բյուրոյին (EASO) հանձնարարել՝ աշխատանք կազմակերպել Իտալիայում եւ Հունաստանում ապաստանի տրամադրման միջնորդությունների համատեղ մշակման համար:

ԵՄ-ի անդամ պետությունների արտաքին սահմաններին օպերատիվ համագործակցության կառավարման գործակալությունը (FRONTEX) կսահմանի անօրինական միգրանտների արագ վերադարձման նոր համակարգ: Բացի դրանից, պանավորվում Է ստեղծել պաշտպանության կարիք ունեցող մարդկանց վերաբնակեցման ծրագիր, որի շրջանակներում նրանց կառաջարկվեն բնակության համար որոշակի վայրեր: Լիբիայից գաղթականների հոսքը նվազեցնելու համար ԵՄ-ն նաեւ մտադիր Է այս հարցի շուրջը փոխգործակցությունն ուժեղացնել հարեւան երկրների հետ:

Հետևեք մեզ նաև Telegram-ում