Խաղերից հետո Ադրբեջանը դիմելու է սադրանքների նոր ալիքի. պետք է աշխատել իրադրություն փոխող հարթակներում
Նմանատիպ
Եվրոպական խաղերից հետո Ադրբեջանը կողմը կարող է անցնել նոր և ավելի կոշտ սադրանքների ալիքի, բայց ոչ երբեք պատերազմի վերսկսման: Այսօր լրագրողների հետ հանդիպմանն ասաց ՀՀ առաջին օմբուդսմեն, «Ընդդեմ իրավական կամայականության» ՀԿ գործադիր տնօրեն Լարիսա Ալավերդյանը՝ շեշտելով, որ ԵԱՀԿ Մինսկի խմբի ամենամեծ հաջողությունը լայնածավալ պատերազմի բացակայությունն է:
Ինչ վերաբերում է մեր անելիքներին, ապա պետք է ակտիվացնել փորձագիտական միտքը և աշխատել այն հարթակներում, որտեղ կարելի է իրադրություն փոխել. «Խորհրդարանական վեհաժողովներն այն տեղը չեն, որտեղ պետք է փորձել իրավիճակը, այստեղ արդեն պետք է փոխած ներկայանալ»:
Անդրադառանալով Արցախում դատապարտված դիվերսանտների ճակատագրին, ՀՀ մարդու իրավունքների առաջին պաշտպանը նկատեց, որ արցախյան կողմը դատարանում և դրանից դուրս իրեն շատ զուսպ պահեց, և հենց այդ զսպվածության մեջ է իր ուժը: Մինչդեռ Ադրբեջանի նախագահ Իլհամ Ալիևը շարունակում է իր ցուցադրական և ապակառուցողական քաղաքականությունը, ինչը հայր Ալիևի դեպքում չկար:
Հետևեք մեզ նաև Telegram-ում