Կովալչուկի դիրքորոշումը հիմնազուրկ է. միջազգային խորհրդատուների մոտ պատրաստ ենք ապացուցել. ՀԾԿՀ
Նմանատիպ
ՀՀ Հանրային ծառայությունները կարգավարող հանձնաժողովն արձագանքել է «Ինտեր ՌԱՕ» էներգետիկ ընկերության կառավարման խորհրդի նախագահ Բորիս Կովալչուկի հայտարարությանը:
«ՀՀ Հանրային ծառայությունները կարգավարող հանձնաժողովն անհասկանալի և հիմնազուրկ է համարում ստեղծված իրավիճակի շուրջ պարոն Կովալչուկի հնչեցրած դիրքորոշումը, ինչը պատրաստ է ապացուցել նաև միջազգային խորհրդատուների հետ քննարկումների ժամանակ:
Հանձնաժողովը պնդում է, որ ՀՀ օրենսդրությունը, մասնավորապես կարգավորման ոլորտին առնչվող, լիովին համապատասխանում է միջազգային փորձին և ունի լայն կիրառում: Ստեղծված իրավիճակում անընդունելի ենք համարում սեփական բացթողումներին և թերացումներին էլ ավելի ուշադրություն դարձնելու փոխարեն՝ դրանց արդարացման պատճառ փնտրելու փորձը»,- ասված է Հանրային ծառայությունները կարգավարող հանձնաժողովի հաղորդագրության մեջ:
Հիշեցնենք, որ Բորիս Կովալչուկը հայտարարել էր, թե «ՀԷՑ-ի երկարամյա վնասները պայմանավորված են Հայաստանի Հանրապետությունում սակագների կանոնակարգման գործող համակարգով և էլեկտրաէներգետիկայի շուկայի գործունեությունը կարգավորող առկա կանոններով»:
Հետևեք մեզ նաև Telegram-ում