Գրեթե անկարելի է ջնջել Սիսի կաթողիկոսարանը. Աքչամը մեջբերել է Թալեաթի և Ջեմալ փաշայի միջև փոխանակված նամակը
Նմանատիպ
Մեծի Տանն Կիլիկիո կաթողիկոսության «Կիլիկիա» թանգարանի սրահում տեղի է ունեցել Հայոց ցեղասպանության վերաբերյալ դասախոսություն: Այս մասին տեղեկացնում է Կիլիկիո կաթողիկոսության պաշտոնական կայքը:
Դասախոսությունը ներկայացրել է ԱՄՆ-ի Կլարկ համալսարանի Հայոց ցեղասպանության ամբիոնի վարիչ Թաներ Աքչամը, որի ժամանակ նա անդրադառնալով Սիսի կաթողիկոսարանի վերադարձման պահանջին, նշել է, որ այս առնչությամբ հազարից ավելի փաստաթղթեր կան օսմանյան արխիվներում, և որ Օսմանյան իշխանություններն այն դիտարկել են որպես հայ ժողովրդի հոգեմտավոր կրոնական կենտրոն՝ անկախ Պոլսո և Էջմիածնի կենտրոններից: Աքչամը որպես ապացույց մեջբերել է Թալեաթի և Ջեմալ փաշայի միջև փոխանակված նամակը, որտեղ շեշտվում է, թե գրեթե անկարելի է ջնջել Սիսի կաթողիկոսարանը՝ նկատի ունենալով նրա ճակատագրական կարևորությունը հայության համար:
Հետևեք մեզ նաև Telegram-ում