Ադրբեջանը ԼՂՀ նախագահի այցի հետ կապված բողոքի նամակ է հղել Մեծ Բրիտանիային

Ադրբեջանում Մեծ Բրիտանիայի դեսպան Իրֆան Սիդդիգը հուլիսի 1-ին հրավիրվել է ԱԳՆ, որտեղ փոխարտգործնախարար Խալաֆ Խալաֆովն ադրբեջանական կառավարության անունից նրան բողոքի նամակ է հանձնել Լեռնային Ղարաբաղի Հանրապետության նախագահ Բակո Սահակյանի` Մեծ Բրիտանիա հրավիրվելու առնչությամբ:

Այս մասին APA-ին հայտնել է Ադրբեջանի ԱԳՆ-ի մամուլի ծառայությունը: Նշվել է, որ նմսն դեպքերը հակասում են Ադրբեջանի և Մեծ բրիտանիայի միջև առկա ռազմավարական հարաբերությունների ոգուն:

ԼՂՀ նախագահ Բակո Սահակյանը պաշտոնապես հրավիրվել է մասնակցել Թագավորական միջազգային հարաբերությունների ինստիտուտում` Chatham House-ում 2015 թվականի հուլիսի 8-ին անցկացվելիք միջոցառմանը: