Ծառուկյանը հանդիպել է Արամ Ա-ին և 500.000 դոլար նվիրաբերել սիրիահայությանը և Անթիլիասին (ֆոտո)
Նմանատիպ
Հայաստանի ազգային օլիմպիական կոմիտեի նախագահ Գագիկ Ծառուկյանը հուլիսի 24-ին այցելել է Լիբանանի Անթիլիասի Մայրավանք և հանդիպում ունեցել Արամ Ա. կաթողիկոսին հետ, որին մասնակցել են նաև Լիբանանի և Բերիո թեմերի առաջնորդները, Ազգային կենտրոնական վարչության և Ազգային մարմինների ներկայացուցիչները: Այս մասին տեղեկացնում է Կիլիկիո կաթողիկոսության կայքը:
Շուրջ մեկ ժամ տևած հանդիպման ընթացքում Արամ Ա. կաթողիկոսը ողջունելով Ծառուկյանի այցը՝ նկատել է, որ «Մեծի Տանն Կիլիկիո կաթողիկոսությունը լոկ պատմական աթոռ չէ, Ցեղասպանությունից հետո այն պատմական առաքելություն է կատարել Սփյուռքում՝ հայապահպանման, եկեղեցաշինական և դպրոցաշինական աշխատանքներ ձեռնարկելով»:
«Ազգային պահանջատիրության և մեր ժողովրդի ոտնահարված իրավունքների ձեռքբերման գծով այս Աթոռը ևս կարևոր դերակատարություն ունեցավ Սփյուռքի մեջ»,-հավելել է Արամ Ա-ն:
Վեհափառ Հայրապետը բարձր է գնահատել Ծառուկյանի եկեղեցաշինության և մարդասիրական բնագավառներում բարեգործությունները: Իր հերթին Գագիկ Ծառուկյան 500 հազար դոլար է նվիրաբերել սիրիահայությանը և Անթիլիասին:
Հետևեք մեզ նաև Telegram-ում