ԱՊՀ երկրների հաջորդ ռազմամարզական խաղերը տեղի կունենան Հայաստանում

Ռուսաստանի Դաշնության պաշտպանության փոխնախարար Արկադի Բախինը հանդիսավորապես ԱՊՀ մասնակից երկրների բանակների ռազմամարզական խաղերի դրոշը հանձնել Է Հայաստանի պատվիրակության ղեկավարին. հենց Հայաստանում տեղի կունենան բարեկամական երկրների հաջորդ նման մրցումները: Այս մասին, «Արմենպրես»-ի փոխանցմամբ, հաղորդել Է « ՌԻԱ Նովոստին»:«ԱՊՀ բարեկամական բանակների միջեւ ռազմամարզական մրցաշարերի ժողովրդականությունը տարեցտարի աճում Է: Կրկնակի նշնակալից է, որ այդ խաղերը տեղի են ունեցել Հարավային Կորեայում CISM վեցերորդ Համաշխարհային ռազմամարզական ամառային խաղերի նախաշեմին: Իսկ Հարավային Կորեայում կհավաքվեն ուժեղագույն զինվորական մարիզիկներ ամբողջ աշխարհից:

«Անցած խաղերը ռազմական ոլորտում եւ բանակային սպորտի զարգացման բնագավառում միջպետական գործընկերության զարգացման՝ մեր պետությոնների ձգտման եւ պատրաստակամության համոզիչ վկայությունն են»,- ասել Է Բախինը ԱՊՀ բարեկամական բանակների առաջին ռազմամարզական խաղերի փակման ժամանակ, որոնք տեղի են ունեցել հուլիսի 25-ից Բանակի կենտրոնական մարզական ակումբում (ԲԿՄԱ):Նա վստահություն Է հայտնել, որ նման միջոցառումներն իրենց ավանդը կներդնեն պետությունների միջեւ ռազմական համագործակցության զարգացման եւ ամրապնդման գործում:

Փոխնախարարը շնորհակալություն Է հայտնել մրցավարական  կոլեգիային եւ զինծառայողներին պարգեւատրել Է մարտական համագործակցության ամրապնդման մեդալներով:

ԱՊՀ առաջին ռազմամարզական խաղերին, որոնք նվիրված Էին Հայրենական մեծ պատերազմում հաղթանակի 70-ամյակին, մասնակցել են Հայաստանի, Բելառուսի, Ղրղզստանի, Ղազախստանի եւ Տաջիկստանի ուժեղագույն մարզիկները: Մարզական առաջնության համար պայքարել են 228 զինծառայողներ, խաղարկվել են 85 կոմպլեկտի մեդալներ: Առաջին խաղերի ծրագրում ներառվել Էին տասը մարզաձեւերի մրցումներ. բանակային ձեռնամարտ, ձյուդո, մարզաքարային սպորտ, ռազմա-մարզական համալիրի բազմամարտ, հրաձգություն, լող, ամառային սպայական եռամարտ, մարզական կողմնորոշում, միջազգային զինվորական հնգամար տ եւ հրամանատարական մեկնարկներ:  Զինծառայողների խաղերի անցկացման որոշումն ընդունվել Է ԱՊՀ մասնակից երկրների պաշտպանանության նախարարների խորհրդի նիստում՝ Ռուսաստանի պաշտպանության նախարար բանակի գեներալ Սերգեյ Շոյգուի նախագահությամբ: