Վերջին ամիսներին Սիրիայից Հայաստան տեղափոխվողների շարքում շատ են բժիշկները, ուսուցիչները և ճարտարագետները
Նմանատիպ
Վերջին ամիսներին Սիրիայից Հայաստան տեղափոխվողների շարքում շատ են բժիշկները, ուսուցիչները և ճարտարագետները: Այս մասին հուլիսի 31-ին Սիրիահայերի հիմնախնդիրները համակարգող միջգերատեսչական հանձնաժողովի հերթական նիստին նշեց ՀՀ սփյուռքի նախարար Հրանուշ Հակոբյանը:
«Կարծես թե Սիրիայում համայնքը վերջինը պահող մասնագետներն էլ են ստիպված լքում երկիրը: Ցավոք, Սիրիայում վիճակը գնալով ավելի է վատանում, և մեր հայրենակիցները տարբեր ճանապարհներով դուրս են գալիս Սիրիայից. մի մասը մեկնում է Լիբանան, մի մասը՝ Հայաստան, իսկ մեկ այլ հատվածը՝ Սիրիայի անվտանգ տարածքներ: Մենք անընդհատ կապի մեջ ենք մեր դիվանագիտական ծառայությունների հետ՝ տեղյակ լինելու համար այնտեղ տիրող իրավիճակի մասին»,- հավելեց Հրանուշ Հակոբյանը:Խոսելով սիրիահայ մասնագետների աշխատանքով ապահովման խնդրի վերաբերյալ՝ սփյուռքի նախարարը նկատեց, որ վերջերս աշխատանք գտնելու աջակցության համար դիմել են մոտ տասնյակ սիրիահայ բժիշկներ: Հրանուշ Հակոբյանը նշեց, որ խնդրի առնչությամբ նա դիմել է ՀՀ առողջապահության նախարարին՝ աջակցության համար:
Նրա հավաստմամբ՝ Մարսելում ՀՀ պատվավոր հյուպատոս Վարդան Սիրմաքեշի հետ պայմանավորվածություն է ձեռք բերվել Հալեպի որբանոցի խնամատարությանը բարերարին հանձնելու վերաբերյալ:
«Մենք միասին կփորձենք զբաղվել այդ երեխաների հետագա ճակատարգորվ, ապրուստի, կենցաղի և այլ հոգսերով: Միաժամանակ, պայմանավորվածություն է ձեռք բերվել Գյումրու տարածաշրջանում գյուղատնտեսական և արհեստագործական աշխատանքներին սիրիահայերի ակտիվորեն ներգրավելու հարցով: Գործարարը խոստացավ առաջիկայում լուծել տասն ընտանիքի բնակարանային խնդիրները: Հետագայում այդ աջակությունը կընդլայնվի», – նշեց Հրանուշ Հակոբյանը:
Հետևեք մեզ նաև Telegram-ում