AM | RU
USD
EUR
RUB

Ախալքալաքում վրացական ռազմաբազայի հիմնումը անվստահության սեպ կարող է խրել Ջավախքի և Թբիլիսիի միջև

 
 

Ախալքալաքի նախկին ռուսական ռազմաբազայի տարածքում բացվել է մարտական պատրաստության ուսումնական կենտրոն, որը կրում է 2008թ. օգոստոսի վրաց-ռուսական պատերազմի ժամանակ զոհված սպա Զազա Պերաձեի անունը:

Կենտրոնի բացման հանդիսավոր արարողությունը կատարվել է նորակառույց շենքի մոտ, որին ներկա են եղել Վրաստանի պաշտպանության նախարար Թինաթին Խիդաշելին, զինված ուժերի գլխավոր շտաբի պետ, գեներալ-մայոր Վախթանգ Կապանաձեն, ՊՆ փոխնախարար Դավիթ Եբրալիձեն, ինչպես նաև Սամցխե-Ջավախքի ղեկավար Ակակի Մաչութաձեն, Ախալքալաքի մունիցիպալիտետի կառավարիչ Համլետ Մովսիսյանը,Նինոծմինդայի կառավարիչ Գագիկ Կարսլյանը և ՏԻՄ այլ պաշտոնյաներ:

Ինչպես տեղեկացնում է Վրաստանի ՊՆ-ի կայքէջը, կենտրոնի կառուցումը դեռևս չի ավարտվել: Շինարարական ընթացքի մեջ է զորանոցները, ճաշարանը: Մինչ 2019թ-ը նախատեսում են կառուցել նաև սպորտդահլիճ, հանրակացարաններ և այլ շինություններ:
Այս կենտրոնի շինարարության հիմքերը դրվել է դեռևս մեկ տարի առաջ նախկին պաշտպանության նախարար Իրակլի Ալասանիայի օրոք: Վերջինս հիմնարկեքի արարողությանը նշել է. «Սա պատմական որոշում է, որն ընդունել է Վրաստանի կառավարությունը։ Այստեղ խորհրդային բանակն է եղել, իսկ այժմ այն նոր որակական հատկանիշներ է ձեռք բերելու։ Բոլոր զինծառայողները, այդ թվում նաև ժամկետայինները, նախնական մարտական պատրաստությունն անցնելու են հենց այդտեղ։ Իհարկե դրանից հետո այս շրջանի կյանքն ավելի ակտիվ կլինի, քանի որ այդ կենտրոնին սպասարկելու համար պետք կլինի տեղի բնակչության ռեսուրսը»,- հայտնել է Իրակլի Ալասանիան։

Ալասանաին մատնանշեց այն ռազմավարությունը, որ Վրաստանը որդեգրել էր իր տարածքում գտնվող նախկին ռուսական ռազմաբազաների նկատմամբ: Խորհրդային միության տարիներին Վրաստանի տարածքում ռուսական ռազմաբազաներ էին տեղակայված Բաթումիում, Ախալքալաքում, Վազիանում և խաղաղապահ ուժեր և ԱՊՀ-ի ռազմաբազա Գուդաութեում: Վրաստանի տարածքից ռուսական զորամասերի դուրսբերման պահանջը վաղուց էր վրաց-ռուսական հարաբերությունների օրակարգում:

Այդ հարցի շուրջ համաձայնագիր էր ստորագրվել դեռևս 1999թ-ի նոյեմբերի 17-ին Ստամբուլում կայացած ԵԱՀԿ համաժողովի ժամանակ, որը Եվրոպայում սովորական զինված ուժերի մասին պայմանագրի մի մասն էր կազմում: Այդ պայամանգրի համաձայն, Մոսկվան պարտավորվում էր իր ռազմաբազաները լիկվիդացնել Վազիանում և Գուդաիթիում, սակայն ՌԴ-ի օրենսդիր մարմինը այն հաստատեց միայն 2006թ-ին: Մինչ այդ Սոչիում կայացած հանդիպման ժամանակ կողմերը մի շարք փաստաթղթեր էին ստորագրել, որոնցում ամրագրվել էր նաև Ախալքալաքից և Բաթումիից ռազմաբազաների հեռացումը:

Ախալքալաքից ռուսական ռազմաբազայի լիկվիդացումը մի քանի փուլով տեղի ունեցավ, որն ավարտվեց 2007թ-ի հունիսի 27-ին, երբ շենքը տրվեց վրացական կողմին: Քայլ առ քայլ կատարվեց նաև մնացած ռազմաբազաների լիկվիդացումը:

Ռուսական ռազմաբազայի տեղակայումը Ջավախքում հոգեբանական նշանակություն ուներ ջավախահայության համար, քանի որ սահմանակցում է Թուրքիայի հետ: Միֆ թե՞ իրականություն, սակայն Ջավախքում հայերը վստահ էին, որ ռուսի ներկայությունը կանխում է թուրքական զորքերի առաջխաղացումը: Այդ է պատճառը գուցե, որ պաշտոնական Թբիլիսիի կողմից Ջավախքը դիտարկվում է ռուսամետ մի տարածաշրջան, որտեղ միշտ ցանկալի է ռուսական տարրի վերադարձը: Ուստի Վրաստանի իշխանությունները նախկին ռուսական ռազմաբազաների տարածքում, ինչպես Վազիանում, այնպես էլ Ախալքալաքում ուսումնական կենտրոններ են հիմնում: Դա ունի նաև հոգեբանական նշանակություն: Նախկին ռուսական ռազմաբազաների տարածքում ծածանվում են վրացական դրոշները, ինչը Վրաստանի ինքնիշխանության վերջնական ամրագրումն է:

Ախալքալաքում ստեղծելով ռազմական ուսումնական կենտրոն` Վրաստանն ավելի շատ ներքին խնդիրների լուծում է հետապնդում: Բանակը սովորաբար արտաքին խնդիրների լուծմանն է ուղղված, սակայն սա այն եզակի դեպքերից է, երբ իշխանությունները այս կերպ ազդակներ են ուղարկում տարածաշրջանի բնակչությանը, որ անջատողականության կամ անհնազանդության ցանկացած ալիք կարճ ժամանակահատվածում կարող է ճնշվել: Այս ամենը լրացուցիչ անգամ ցույց է տալիս, որ Վրաստանը չի վստահում Ջավախքի հայկական բնակչությանը, որը լրացուցիչ սեպ է խրում առանց այն էլ իզոլացված Ջավախքի և Թբիլիսիի միջև: Այս արգելքները հաղթահարելու համար կարևոր է, որ տեղի բնակչությունն ընգրկվի մարտական պատրաստության կենտրոնի աշխատանքների մեջ, որպեսզի վստահության կամուրջն հիմնվի:

 Աննա ԲԱՐՍԵՂՅԱՆ

 

 

 

Լրահոս
Հայաստանի և Իրանի ԱԳ նախարարները քննարկել են տարածաշրջանային և միջազգային մի շարք հարցեր Կառավարությունը մեր պատուհանից. ՀԴՄ-ից կարմրախայտ Պրովակացիաներից զերծ մնալու նկատառումով մարդկանց պարզապես աջակցել են, որ տեղահանվեն և մեկնեն Ադրբեջան Հայաստանի և Նիդերլանդների համար հեռանկարային է համագործակցությունը ՏՏ ոլորտում Սուրբ Սարգիս տոնի ժողովրդական սովորությունները Արցախի գումարտակներից մեկը ծառայությունը կկազմակերպի ժամանակակից պայմաններով կառույցում Զոհրաբ Մնացականանը ՄԹ պետնախարարին ներկայացրեց ԼՂ հակամարտության կարգավորման ուղղությամբ Հայաաստանի մոտեցումները «Հրապարակ». Կահույքի բիզնեսով զբաղվող ընկերությունը շահել է դիալիզի բուժսպասարկման մրցույթը «Հրապարակ». Վաղեմության ժամկետը լրացել է և Վանոն կվերադառնա Հայաստան «Ժամանակ». Ինչ նպատակով է Աննա Հակոբյանը իր գրասնեյակը տեղափոխել է կառավարության շենք «Ժողովուրդ». ՀՀ պետական պարտքն ավելացել է «Հրապարակ». ԱԺ նախագահը իր վարորդ ընկերոջն էլ աշխատանքի տեղավորեց խորհրդարանում ՀՔԾ-ն ավարտել է քրեական գործերի նախաքննությունը Արարատյան Հայրապետական թեմը Սուրբ Սարգսի տոնին անցկացնելու է հետաքրքիր միջոցառումներ Վարչապետը և Հայաստանում Շվեյցարիայի դեսպանը քննարկել են համագործակցության զարգացման հարցեր Հայաստանը և Լատվիան կարող են միմյանց օգնել և միմյանցից սովորել Զոհրաբ Մնացականյանն ու Յոհաննես Հանը քննարկել են Հայաստան-Եվրոպական Միություն համաձայնագրի կիրարկումը 2019-ին պետբյուջեից որպես աջակցություն սահմանամերձ համայնքներին հատկացվել է ավելի քան 928 մլն դրամ Հայաստանի Զինված ուժերը համալրվել են հայրենական ԱՐՄԻ-55Մ անօդաչու թռչող սարքերով Կառավարությունը բացասական եզրակացություն տվեց Էդմոն Մարուքյանի օրենսդրական նախաձեռնությանը Կառավարությունը չի առարկում, որ ուսանողներն ուսման վարձը վճարեն ամսական կտրվածքով Եկեղեցու դեմ անհասկանալի ուժերի պայքարն ահագնանում է Ներում ստանալու համար դիմել է 250 դատապարտյալ. Ովքեր են ներում ստացած դատապարտյալները Երևանի տրանսպորտային ցանցը հաջորդ տարվանից կազատվի միրոավտոբուսների կեսից Մեկնարկում է երկու և ավելի անչափահաս երեխա ունեցող ուսանողների փաստաթղթերի ընդունելությունը ուսման վարձի զեղչի նպատակով Արարատ Միրզոյանն ու Հայաստանում Գերմանիայի դեսպանը քննարկել են երկկողմ համագործակցության օրակարգը «Երևանի ավտոբուս» ՓԲԸ-ն 70 նոր ավտոբուս կշահագործի Դիլիջանի ոլորանները և Վարդենյաց լեռնանցքը կցորդիչով տրանսպորտային միջոցների համար դժվարանցանելի են Սաթիկ Սեյրանյան. Այս պայմաններում մամուլի ու լրագրողների համար չափազանց դժվար է աշխատելը Մի շարք ոլորտներում նշանակալի ներդրում ունեցած անձինք կազատվեն պարտադիր զինվորական ծառայությունից Ահաբեկչություն՝ Հնդկաստանում Հալեպում և Համայում գրոհայինները կրակել են բնակավայրերի ուղղությամբ ՀՀ ԱԺ մշտական հանձնաժողովում ընդունել են ՌԴ ԴԺ Պետական դումայի պատվիրակությանը Լեռնային Ղարաբաղի հակամարտությունը կարող է շատ վտանգավոր լինել, եթե ճիշտ չկառավարվի. ՀՀ նախագահ Ամենայն Հայոց Կաթողիկոսը ցավակցագիր է հղել Իրանի նախագահին Ժաննա Անդրեասյանը նշանակվել է Աշխատանքի և սոցիալական հարցերի նախարարի տեղակալ Արման Թաթոյան. «Բրյուսելում ձեռք բերեցինք համատեղ աշխատանքի լրացուցիչ պայմանավորվածություններ» Սեյրան Օհանյան. «0038 հրամանը դնել մարտիմեկյան ողբերգության հիմքում ծայրահեղական մոտեցում է» Զախարովան պատասխանել է Բոլթոնի սպառնալիքներին Արցախի նախագահն ու ՀՀ անվտանգության խորհրդի քարտուղարը քննարկել են անվտանգության ոլորտում փոխգործակցությանը վերաբերող հարցեր
Խմբագրի ընտրություն
website by Sargssyan