Սերժ Սարգսյանը և Լևոն Տեր-Պետրոսյանը մասնակցել են գեներալ-գնդապետ Գուրգեն Դալիբալթայանի հոգեհանգստի արարողությանը (ֆոտո)
Նմանատիպ
Երևանի Կ. Դեմիրճյանի անվան մարզահամերգային համալիրում տեղի է ունեցել գեներալ-գնդապետ Գուրգեն Դալիբալթայանի հոգեհանգստի արարողությունը, որին մասնակցել է Նախագահ Սերժ Սարգսյանը, ՀՀ վարչապետ Հովիկ Աբրահամյանը, Ազգային ժողովի նախագահ Գալուստ Սահակյանը, Վեհափառը, Պաշտպանության նախարար Սեյրան Օհանյանը, ՀՀ ԶՈՒ բարձրաստիճան զինվորականներ, մարտական ընկերներ և այլն:
ՀՀ պաշտպանության նախարար Սեյրան Օհանյանը լրագրողների հետ զրույցում ընդգծեց, որ Գուրգեն Դալիբալթայանը հավասարակշռված անձնավորություն էր և անգամ դժվարագույն իրադրությունների ժամանակ չի կորցրել այդ հավասարակշռությունը, այլ սառնասիրտ ձևով կարողացել է պլանավորել իր գործողությունները:
Հավելենք, որ ավելի ուշ մարզահամերգային համալիր եկավ և գեներալի հիշատակին հարգանքի տուրք մատուցեց ՀՀ առաջին նախագահ Լևոն Տեր-Պետրոսյանը, նրա հետ նաև Կոնգրեսի ներկայացուցիչները: Արարողությանը մասնակցել են նաև Վազգեն Սարգսյանի եղբայրները:
Հիշեցնենք, որ գեներալ-գնդապետ Գուրգեն Դալիբալթայանի հուղարկավորությունը տեղի կունենա սեպտեմբերի 3-ին՝ «Եռաբլուր» զինվորական պանթեոնում:
Հետևեք մեզ նաև Telegram-ում