Լայնածավալ ռազմական գործողությունների վերսկսման մասին դեռ վաղ է խոսել. Արծրուն Հովհաննիսյան
Նմանատիպ
ՀՀ ՊՆ մամուլի քարտուղար Արծրուն Հովհաննիսյանը լրագրողների հետ հանդիպմանը զերծ մնալով Ադրբեջանի կողմից սահմանային լարվածության սրացման քաղաքական դրդապատճառների մասին խոսելուց, այնուամենայնիվ, չբացառեց, որ այն կապված է ՀՀ-ում մեկնարկած «Շանթ 2015» զորավարժությունների հետ, որը ղեկավարում է ՀՀ նախագահը: Իհարկե, կան նաև այլ պատճառներ, օրինակ՝ Ադրբեջանում առաջացած տնտեսական խնդիրները:
Այս համատեքստում Արծրուն Հովհաննիսյանը վստահեցրեց, որ հայ-ադրբեջանական սահմանին ներկա լարվածությունը չի կարող բերել լայնածավալ պատերազմական գործողությունների, դրա մասին դեռ վաղ է խոսել:
Ըստ նրա՝ մարտական գործողություններ այս կամ այն կերպ ընթանում են, բայց հստակ նախանշաններ չկան ասելու, որ կարող են մեկնարկել ռազմական լայնածավալ գործողություններ՝ միաժամանակ չբացառելով պատերազմի վերսկսման հավանականությունը:
«ՀՀ զինված ուժերը լիովին վերահսկում են իրավիճակը և ի զորու են պատասխանել թշնամու բոլոր ոտնձգություններին»,-ամփոփեց նա:
Հետևեք մեզ նաև Telegram-ում