ԱՄՆ պետդեպը մտահոգ է Թուրքիայում ԶԼՄ-ների ազատությունների սահմանափակման առնչությամբ
Նմանատիպ
Միացյալ Նահանգները Թուրքիայում խորհրդարանական ընտրություններից երեք շաբաթ առաջ կրկին իր մտահոգությունն է հայտնել երկրում իշխանությունների գործողությունները քննադատող ԶԼՄ-ների նկատմամբ իրականացվող հետապնդումնհերի առնչությամբ:
Ինչպես հաղորդում է «Արմենպրես»-ը՝ վկայակոչելով ԱՄՆ պետդեպի կայքը, այս մասին լրագրողների հետ ամենօրյա ճեպազրույցի ժամանակ ասել է պետդեպի խոսնակ Ջոն Քիրբին:
Նա նաև անհանգստություն է հայտնել խոսքի ազատությունը սսահմանափակելու նպատակով դատական հետաքննություններ իրականացնելու փաստի առնչությամբ:
«Ինչպես նախկինում, մենք Թուրքիային կոչ ենք անում հարգել մեդիայի ազատությունն այն սկզբունքների հիման վրա, որոնք ամրագրված են Թուրքիայի սահմանադրությունում: Մենք ցանկանում ենք տեսնել ազատ, արդար և հավատ ներշնչող ընտրություններ: Մենք ցանկանում ենք ականատեսը լինել նրա, որ Թուրքիայում յուրաքանչյուրի ձայնը մասնակցում է սեփական ապագայի կառուցմանը: Սա կարևոր է մեզ համար: Եվ, որ ավելի կարևոր է, մենք հավատում ենք, որ դա կարևոր է թուրք ժողովրդի համար»,- ասել է Քիրբին:
Թուրքիայում արտահերթ խորհրդարանական ընտրությունները կկայանան 2015 թվականի նոյեմբերի 1-ին:
Հետևեք մեզ նաև Telegram-ում