Րաֆֆի Հովհաննիսյանը ներկա չի եղել «Նոր Հայաստան»-ի առաջին ասուլիսին
Նմանատիպ
Սահամանդրական բարեփոխումների գործընթացի դեմ ձևավորվել է այլընտրանքային` «Նոր Հայաստան» հանրային փրկության ճակատ:
Շարժման քաղաքական խորհրդի կազմում են` Րաֆֆի Հովհաննիսյանը, Ժիրայր Սեֆիլյանը, Հմայակ Հովհաննիսյանը, Անդրիաս Ղուկասյանը, Պետրոս Մակեյանը, Գարեգին Չուքասզյանը և Արմեն Մարտիրոսյանը:
Այսօր կայացել է շարժման առաջին ասուլիսը, որին չի մասնակցել «Ժառանգություն» կուսակցության առաջնորդը, թեպետ նախապես հայտարարվել էր, որ մասնակցելու:
Հանդիպմանը ներկա Արմեն Մարտիրոսյանը տեղեկացրել է, որ Հովհաննիսյանը ընտանեկան հարցերով շտապ մեկնել է Հայաստանից ու ներկայացրեց Հովհաննիսյանի ուղերձը, որն օրեր առաջ տարածվել էր:
«Միմիայն միավորված ուժերով եւ անշահախնդիր, հետեւողական պայքարով կարելի է ըստ էության մերժել Հայաստանի Հանրապետության դեմ գուբերնիա-կուսակցապետություն սարքելու սույն ապօրինի, ինքնահավան եւ փակ-բաժնետիրական բնույթի ձեռնարկը: Դեկտեմբերի 6-ը պետք է դառնա Նոր Հայաստանի կերտման վճռորոշ հանգրվան», –հայտարարության մեջ ասել է Հովհաննիսյանը:
Հետևեք մեզ նաև Telegram-ում