Վիեննայում բարեգործական համերգի կազմակերպիչները հասույթը փոխանել են Սիրիայի հայ համայնքին
Նմանատիպ
Ավստրիայում ՀՀ դեսպանությունը և Հայկական բարեգործական ընդհանուր միության Ավստրիայի գրասենյակը հոկտեմբերին 9-ին համատեղ կազմակերպել են բարեգործական համերգ՝ ի աջակցություն Սիրիայում քաղաքացիական պատերազմից տուժած հայ համայնքի: Ինչպես տեղեկացրին ՀՀ արտաքին գործերի նախարարության մամուլի, տեղեկատվության եւ հասարակայնության հետ կապի վարչությունից, համերգից ստացած ողջ գումարն փոխանցվել է Սիրիայի ՀԲԸՄ-ին:
Համերգին հնչել են Արամ Խաչատուրյանի լավագույն ստեղծագործությունները՝ ԱՄՆ-ից ժամանած անվանի հայ դաշնակահարուհի Կարինե Պողոսյանի կատարմամբ:Այն կայացել է Վիեննայում ՀՀ առաքելության «Հայաստան» կենտրոնում: Ավստրիահայ համայնքի ներկայացուցիչներից բացի, համերգին ներկա են եղել Վիեննայում հավատարմագրված դիվանագիտական առաքելությունների ներկայացուցիչներ, օտարերկրացի հանդիսատեսներ:
Ողջույնի խոսքով է հանդես եկել Ավստրիայում ՀՀ դեսպան Արման Կիրակոսյանը, ով ընդգծել է աշխարհասփյուռ հայության կողմից սիրիահայերին օգնության ձեռք մեկնելու պատրաստակամությունը:
Հետևեք մեզ նաև Telegram-ում