Օդի ջերմաստիճանն աստիճանաբար կնվազի 7-9 աստիճանով

Հանրապետության տարածքում դեկտեմբերի 1-ին, 2-ի երեկոյան ժամերին, 3-4-ին ժամանակ առ ժամանակ սպասվում են տեղումներ, 2-ի ցերեկը, 5-ին սպասվում է առանց տեղումների եղանակ: Ինչպես տեղեկացրին ՀՀ ՏԿԱԻՆ հիդրոօդերևութաբանության և մոնիտորինգի պետական ծառայությունից, օդի ջերմաստիճանն աստիճանաբար կնվազի 7-9 աստիճանով: Քամին հյուսիսարևմտյան` 2-7 մ/վրկ արագությամբ, դեկտեմբերի 3-4-ին առանձին վայրերում հնարավոր է քամու ուժգնացում՝ 15-20մ/վրկ արագությամբ:

Երևանում դեկտեմբերի 1-ին, 2-ի երեկոյան ժամերին, 3-4-ին ժամանակ առ ժամանակ սպասվում են տեղումներ, 2-ի ցերեկը, 5-ին սպասվում է առանց տեղումների եղանակ: Դեկտեմբերի 1-ի ցերեկային ժամերին մայրաքաղաքում կգրանցվի +7 աստիճան, դեկտեմբերի 2-ին` +9, դեկտեմբերի 3-ին` +1, դեկտեմբերի 4-5-ին` -2 աստիճան: