AM | RU | EN
USD
EUR
RUB

Ջավախահայության ձայնը կլսվի ոչ միայն Ախալքալակից Կարս, այլև Բաքվից մինչև Անկարա

Անրադառնալ ադրբեջանական հաքքին.ազ կայքի Հունվարի 16-ի «Անջատողական Չախալյանի ազատ արձակումը ՝ իշխանությունների մեծ սխալն էր» վերտառությամբ՝ ոմն Կարինա Գրիգորյանի հետ արված հարցազրույցին բնավ չէի ցանկանա, եթե չունենայի մտահոգություն, որ թուրք-ազերիական մամուլը և նրանւմ գոյատևող հայանուն և վրացաանուն տականքը իմ լռությունից չէր ոգևորվի և ավելի չէր լկտիանա…

Կարդալով նյութն այնպիսի տպավորություն ես ստանում, որ Ալիևն իր գրպանի լրագրողների հետ ուս-ուսի տված ադրբեջանում ապրող ազգային փոքրամասնությունների խնդիրները հորով֊մորով անելուց հետո օգնության ձեռք է մեկնել Վրաստանին՝ ջանալով նրան փրկել ջավախահայությունից ընդհանրապես և Չախալյանից մասնավորապես:
Անգրագիտության ամենաներքևի և ապատեղեկատվություն տարածելու ամենավերևի աստիճանին գտնվող ալիևյան թափթփուկները չեն էլ կարողացել տարբերել, որ խոսքը՝ հայցը քննության չընդունելու մասին է, իսկ հայցով ՄԻԵԴ ես դեռևս բանտից էի դիմել, սրանից ավելի քան հինգ տարի առաջ՝ 2010 թվականի սեպտեմբերին։ Իսկ թե ինչու է Եվրոդատարանը հարկ համարել հենց հիմա նայել և քննության չընդունել, դա իրենք՝ եվրոպացիները, լավ կիմանան և ամենևին էլ ալիևյան թափթփուկների խելքի բանը չէ:

Իմ՝ ընդհատակ անցնելու մասին տեղեկությանը, թերևս, կարելի էր ծիծաղով վերաբերվել, եթե այն իր մեջ չպարունակեր հեռուն տանող և սադրանքներ հրահրող բաղադրիչներ: Իմ գործունեությունը եղել է և միշտ էլ լինելու է թափանցիկ ու Վրաստանի Սահամանադրության շրջանակներում, նրա օրենսդրության տառին և ոգուն համահունչ, իսկ այն վարկաբեկել ցանկացողները միմիայն կատարել են թուրք-ազերիական հատուկ ծառայությունների պատվերը և ոչինչ ավելին:

Վրաստանում այսօր քչերը կգտնվեն, ովքեր դեռևս հավատում են ալիևասահակաշվիլիական պրոպագանդայի արգասիք՝ Ջավախքի անջատողականության հեքիաթին, որի այդ ծավալի տիրաժավորումը նպատակ էր հետապնդում շեղելու Վրաստանի հանրային ուշադրությունը նրա անվտանգությանը և տարածքային ամբողջականությանն իրական սպառնալիք հանդիսացող վտանգից՝ այն է Վրաստանի՝ որպես քրիստոնեական երկրի վերացումով և նրա տեղում թրքա-ազերիական միավորի ձևավորմամբ, այսինքն պանթուրանական ծրագրի ամենագլխավոր կետի ի կատար ածմամբ:

Այսօր արդեն ոչ մեկի համար գաղտնիք չէ, որ Վրաստանի անվտանգության իրական սպառնալիքը ոչ թե ջավախահայությունն է,  իր՝ տարածաշրջանում Հայերենին և Հայ Առաքելական Եկեղեցու կարգավիճակի, ինչպես նաև Հայկական դպրոցներում՝ Գրականության և Պատմության դասաժամերի վերականգման պահանջներով, այլ «որևիցե պահանջ չներկայացնող», թուրք-ազերիական ներդրումային ծրագրեր անվամբ քողարկված, նույն թուրք-ազերիական ֆինանսական միջոցներով և նախկին տխրահռչակ նախագահ, այժմ Օդեսայի նահանգապետ Մ. Սահակաշվիլու բարձր հովանավորությամբ և աջակցությամբ իրականացված պանթուրանական ծրագիրը:

Դրա բաղադրիչները կազմում են ինչպես մի շարք այսպես կոչված «տարածաշրջանային ծրագրերը»՝ այդ թվում Կարս-Ախալքալակի, Բաքու-Ջեհյանի, Շահ-Դենիս–Էրզրումի, Թափարվան և Քուռ գետերի վրա ՀԷԿ֊երի շինարարությունները, այնպես էլ «ներվրացական» խնդիրների լուծումը՝ ինչպիսիք են թուրք-մեսխեթցիների «հայրենադարձության խնդիրը», 150֊ից ավելի մզկիթների կառուցումը, Հեյդար Ալիևի անվան երիտասարդական կենտրոնների ստեղծումը, թրքա-ազերիական ժողովրդագրական աճի արհեստական խթանումը, դրա հետ զուգահեռաբար՝ սոցիալ-տնտեսական ծանր պայմաններ ստեղծելու միջոցով Վրաստանում բնակվող քրիստոնեա ժողովուրդների ժողովրդագրական աճի արհեստական դանդաղեցումը և ծնելիության նվազեցումը, ինչպես դա տեղի է ունեցել հայերի և վրացիների պարագայում, կամ էլ համատարած արտագաղթի միջոցով ժողովրդագրական աճի բացարձակ դադարեցում, որը տեղի ունեցավ հույների հետ: Եվ ամենևին էլ պատահականություն չէ, որ վերջին 25 տարիների ընթացքում Վրաստանի քրիստոնեա բնակչության թվաքանակը նվազել է ավելի քան 30 տոկոսով, իսկ թրքա-ազերիների թիվը կրկնապատկվել է…

Անշուշտ, հայ-վրացական կոնֆլիկտը թուրք-ազերիական դարավոր երազանքն է, որը երազանք էլ մնալու է, դա բացարձակապես ջավախահայության քաղաքացիական բարձր գիտակցության, պատասխանատվության և համբերության շնորհիվ է, որը միայն դրվատանքի է արժանի: Իր առջև ծառացած խնդիրները ջավախահայությունը միշտ էլ ձգտել է լուծել քաղաքակիրթ ճանապարհներով և երկխոսության միջոցով:

Ջավախահայությունը չի ընդունել, չի ընդունում և երբևիցե չի ընդունելու այսպես կոչված Կարս–Ախալքալակ ծրագրի գոյությունը, այն իրականացվել է բացառապես անօրինական մեթոդներով ջավախահայերից խլված հողակտորների վրա: Նրա այսօրվա լռությունը դա ամենևին էլ ի նշան համաձայնության չէ, ինչպես փորձում են ներկայացնել Սահակաշվիլի-Ալիև-Էրդողան եռյակը, այն մի ամբողջ պետական մեքենայի կողմից տարիներ շարունակ վարած՝ ահաբեկումների, ձերբակալությունների, հետապնդումների և հալածանքների քաղաքականության հետևանք է, տասնյակ միլիոնավոր դոլարների ու մարդկային անմեղ զոհերի գնով ձեռք բերված լռություն: Եվ միանշանակ, երբ այդ բռնությունների հետևանքները վերանան, իսկ դրանք մի օր հաստատ վերանալու են, ապա ջավախահայության ձայնը վստահ լսվելու է և ոչ միայն Ախալքալակից Կարս, այլև Բաքվից մինչև Անկարա…

Վահագն ՉԱԽԱԼՅԱՆ

Լրահոս
Հայոց ցեղասպանության մասին նյութի պատճառով Ադրբեջանում փակվել է ТНТ հեռուստաալիքը Գյումրիում ռուս զինծառայողի ենթադրյալ սպանության կասկածյալը բերման է ենթարկվել.նա 20-ամյա երիտասարդ է (թարմացված) Կառավարության ծրագրերն ուղղված են գյուղատնտեսության մեջ ժամանակակից տեխնոլոգիաների ներդրմանը. ՀՀ վարչապետ Պատվաստումների շնորհիվ Հայաստանում 17 անգամ նվազել են ռոտավիրուսով պայմանավորված հոսպիտալացումները «Երկիր Ծիրանի» կուսակցությունը կմիանա Հայոց ցեղասպանության զոհերի հիշատակին նվիրված ջահերով երթին Սերգեյ Սմբատյանը կղեկավարի Մյունխենի սիմֆոնիկ նվագախումբը Տարոն Մարգարյանը խոստանում է վերանայել բոլոր ոլորտները, որոնցից քաղաքացիները գոհ չեն Էդվարդ Նալբանդյանն ընդունել է ավստրիական մի շարք հեղինակավոր լրատվամիջոցների ներկայացուցիչներին Նախագահ Սերժ Սարգսյանն ընդունել է ԵԽ պատգամավոր Ֆրանկ Էնգելին «Ելք»-ի օգտին քվեարկությունը դրական փոփոխությունների շարունակություն է. Փաշինյանը հանդիպեց ավանցիներին Երևանում աշակերտները զինտեխնիկայի կորուստն էապես նվազեցնող ռոբոտ են ստեղծել. բացահայտումներ ցուցահանդեսից Գերմանացիները հորդորում են Էրդողանի աջակից գերմանաբնակ թուրքերին լքել այդ երկիրը Թուրքիան պետք է փոխհատուցի իր արարքների համար. Ջեյմս Կրոմվելի հարցազրույցը «Խոստումը» ֆիլմի մասին ՄԻՊ-ի զեկույցում տեղ գտած առանձին ձևակերպումներ զուրկ չեն զգացմունքայնությունից. ՀՀ ոստիկանության արձագանքը Պայմանագրային զինծառայողի մահվան դեպքի վերաբերյալ քրգործով մեկ անձ ձերբակալվել է Երևանում ապրիլի 24-ին սպասվում է կարճատեւ անձրեւ եւ ամպրոպ Մարսելում բացվել է Սողոմոն Թեհլերյանի անվան հրապարակը Թուրքիայում քրդերի հետ բախման հետևանքով թուրք զինվոր է սպանվել Նախարարը հյուրընկալել է Սան Խոսեի պետական համալսարանի նախագահին Հայոց ցեղասպանության զոհերի շտեմարանում արդեն տասնյակ հազարավոր մարդկանց անուններ են ընդգրկվել Մազարի Շարիֆի բազաներից մեկի վրա հարձակումից հայ խաղաղապահները չեն տուժել Հայ ժողովուրդը շարունակում է արդարություն պահանջել. Արամ Ա-ի ապրիլի 24-ի պատգամը Գյուլենի շարժման անդամ լինելու մեղադրանքով Թուրքիայում 42 հոգի է ձերբակալվել Ցեղասպանությունների ճանաչման հարցում Թուրքիան ամենավատ օրինակն է. Եվրոպայի հակառասիստական շարժման նախագահ Քաղաքացուն առևանգելու համար մեղադրանք է առաջադրվել 2 անձի Հայաստանը պետք է ստանձնի Հայոց ցեղասպանության հետևանքների հաղթահարման գործընթացի համակարգումը. Արմեն Մարուքյան Բիբլոս քաղաքում Հայոց ցեղասպանության 102-րդ տարելիցին նվիրված ցուցահանդես է բացվել Երևանցիների մեծամասնությունը կրկին կքվեարկի Տարոն Մարգարյանի օգտին. Gallup- ի հարցման արդյունքները Հարգանքի տուրք ենք մատուցում Հայոց ցեղասպանության զոհերին ու նրանց ժառանգներին. Ջասթին Թրուդո Բարելավվել է Արցախի հրշեջ-փրկարարական ջոկատների տեխնիկական հագեցվածությունը ՌԴ Հարավային ռազմական օկրուգի ռազմաբազայում ավարտվել է ուսուցման աշխատանքների ստուգման գործընթացը Անվճար երթուղիներն ապրիլի 24-ին այցելուներին կտեղափոխեն Ծիծեռնակաբերդի հուշահամալիր Անվճար երթուղիներն ապրիլի 24-ին այցելուներին կտեղափոխեն Ծիծեռնակաբերդի հուշահամալիր Մեկնարկել են «Անվտանգ Հայաստան» խորագրով միջազգային ցուցահանդեսի նախապատրաստական աշխատանքները Նավթի գները նվազել են Երևանում խոշոր ավտովթարի հետևանքով 3 հոգի մահացել են 2017-ի առաջին եռամսյակում արձանագրվել են տնտեսական հուսադրող ցուցանիշներ. Վարչապետն այցելել է Տնտեսական զարգացման նախարարություն Հայ համայնքը Երուսաղեմում թուրքական հյուպատոսարանի դիմաց բողոքի ակցիա կանցկացնի «Ֆրանսիայի ընտրություններում Մարին Լը Պենի հնարավորությունները անուղղակիորեն ավելացել են».Նարեկ Գալստյան Վայոմինգ նահանգը ճանաչել է Հայոց ցեղասպանությունը Հակառակորդը հրադադարի պահպանման ռեժիմը խախտել է շուրջ 50 անգամ
Խմբագրի ընտրություն
website by Sargssyan