Լոս Անջելեսում իրար են բախվել երկու թեթև շարժիչով ինքնաթիռներ

Լոս Անջելեսում խաղաղ օվկիանոսի վրայով թռչելիս իրար են բախվել երկու թեթև շարժիչով ինքնաթիռներ: Ինչպես հաղորդում է «Արմենպրես»-ը, այս մասին տեղեկացնում է Associated Press-ը: Նախնական տվյալներով՝ երկու ինքնաթիռներում գտնվել է 3 մարդ: Նրանց երկուսը 61 և 81 տարեկան տղամարդիկ են եղել, իսկ մյուսը` 72-ամյա կին:

Բախումը տեղի է ունեցել ափից մոտ 3 կմ հեռավորության վրա՝ տեղի ժամանակով 15:30-ին: Ուղևորներին փնտրելու նպատակով վթարի վայր են ժամանել շուրջ 20 ջրափրկարարներ: Նրանց առայժմ հաջողվել է գտնել ինքնաթիռների բեկորները: Այդ հատվածում ջրի խորությունը կազմում է 25-28 մետր: