Չթաքնվել, այլ լսել մարդկանց. 30 աստիճան ցրտին դրսի աղբյուրներից են ջուր բերում. Մեդվեդև
Նմանատիպ
«Եդինայա Ռոսիա» կուսակցության համագումարին ՌԴ վարչապետ Դմիտրի Մեդվեդևը քննադատել է տարածաշրջանային այն ղեկավարներին, որոնց վերահսկողության տակ գտնվող ճանապարհները բարեկարգ վիճակում չեն, խնդիրներ կան ենթակառուցվածքների հետ կապված:
«Կան շրջաններ, որտեղ և նավթ կա, և գազ, և անտառ, և ոսկի, բայց չկան լավ ճանապարհներ»,- նկատել է Մեդվեդևը և հավելել, թե 21-րդ դարում մարդիկ 30 աստիճան ցրտին դրսի աղբյուրներից են ջուր բերում, ինչը որևէ ղեկավար չի անի:
Ըստ նրա՝ Ռուսաստանը դա միայն Մոսկվան չէ, ոչ էլ տարածաշրջանների վարչական կենտրոնները. «Ռուսաստանը սկսվում է փոքր քաղաքներից, գյուղերից, բակերից և շենքերի մուտքերից: Այնտեղից, որտեղ մարդիկ մեզանից կոնկրետ լուծումներ են սպասում: Ավելին, մարդիկ իրենք էլ պատրաստ են գաղափարներ առաջադրել, իսկ շրջանային և քաղաքային իշխանությունները պետք է կարողանան լսել այդ նախաձեռնությունները, կարողանան հաղորդակցվել. բացատրել մեր մոտեցումները, մարդկանց հետ ուղիղ շփումների մեջ լինել՝ լինի դա փողոցում, բակում, թե անհատական ընդունելության ժամանակ: Չպետք է թաքնվել, այլ՝ շփվել: Սա պետք է լինի մեր կուսակցության ռազմավարությունը»:
Հետևեք մեզ նաև Telegram-ում