Ռուսաստանը եւ Իրաքը ռազմավարական համաձայնագիր են կնքելու
Նմանատիպ
Ռուսաստանը եւ Իրաքը փետրվարի 11-ի երեկոյան ռազմավարական համաձայնագիր են կնքելու ՌԴ-ի փոխվարչապետ Դմիտրի Ռոգոզինի՝ Բաղդադ այցի ընթացքում: Այդ մասին, ինչպես տեղեկացնում Է «Արմենպրես»-ը, Sputnik գործակալությանը հայտնել Է անունը չնշված իրաքցի մի պաշտոնյա:
Ռոգոզինը փետրվարի 10-ին երկօրյա այցով ուղեւորվել Է Իրաք, որտեղ հանդիպում կունենա երկրի բարձրագույն ղեկավարության հետ եւ կանցկացնի տնտեսական համագործակցության միջկառավարական հանձնաժողովի նիստը:
Աղբյուրը նշել Է, որ շուրջ 100 մարդուց բաղկացած ռուսական պատվիրակությունը Բաղդադ Է ժամանել երեք օր առաջ եւ բազմաթիվ հանդիպումներ ու բանակցություններ անցկացրել իրաքցի պաշտոնյաների հետ:
«Բանակցությունների արդյունքը դարձել Է փոխըմբռնման վերաբերյալ հուշագիր կնքելու պայմանավորվածությունը: Այն կստորագրվի փետրվարի 11-ին Բաղդադում կայանալիք համատեղ մամուլի ասուլիսի ժամանակ»,-հայտարարել Է աղբյուրը:
Աղբյուրը նաեւ նշել Է, որ Ռոգոզինը փետրվարի 10-ի երեկոյան հանդիպում կունենա Իրաքի խորհրդարանի նախագահի հետ՝ քննարկելու համաձայնագրին վերաբերող հարցերը: Ըստ իրաքցի պաշտոնյայի տվյալների՝ փաստաթուղթը քննարկվում Է մոտավորապես մեկուկես տարի, հաղորդել Է ՌԻԱ Նովոստին:
Հետևեք մեզ նաև Telegram-ում