AM | RU
USD
EUR
RUB

Ադրբեջանի գործողություններին նպաստում է միջազգային հանրության փաստացի անգործությունը. Տիգրան Աբրահամյան

Ադրբեջանի սադրիչ գործողություններին նպաստում է միջազգային հանրության փաստացի անգործությունը: Այս մասին «Արմենպրես»-ի հետ զրույցում նշեց քաղաքագետ Տիգրան Աբրահամյանը` անդրադառնալով ղարաբաղա-ադրբեջանական շփման գծում տիրող իրավիճակին:

-Մոսկվայում կրակի դադարեցման վերաբերյալ ձեռք բերված բանավոր պայմանավորվածությունից հետո տեսնում ենք, որ Ադրբեջանը շարունակում է խախտել հրադադարի ռեժիմը: Ըստ ձեզ` ի՞նչն է նպաստում, որ Ադրբեջանը շարունակի նման գործելաոճը: Ի վերջո, ինքն էր խնդրել Մոսկվային միջամտել կրակի դադարեցման հարցում:

-Պետք է նախ արձանագրել, որ պատերազմը չի ավարտվել, իսկ բանակցություններ որպես այդպիսին այս պահին չեն ընթանում, ինչը նշանակում է, որ ինտենսիվ հրետակոծությունն Ադրբեջանի կողմից կշարունակվի:

Սրան նպաստում է միջազգային հանրության փաստացի անգործությունը, իսկ միջնորդների առաջարկները շատ դեպքերում ակտուալ չեն, չկա հետևողականություն, իսկ նրանց արձագանքները համահունչ չեն առկա իրողություններին:

- Ինչպես գիտենք, Բաքվում անցկացվեց ՄԱԿ-ի քաղաքակրթությունների դաշինքի գլոբալ ֆորումը, որի ընթացքում եվրոպացի գործիչները գովեստի խոսքեր էին ուղղում Ադրբեջանին: Ինչի՞ մասին է սա խոսում:

-Անադեկվատության: Հենց նմանատիպ դրսևորումներն են, որ կանաչ լույս վառեցին Ադրբեջանի կողմից ռազմական գործողությունների իրականացմանը:

-Թե Հայաստանի, թե Արցախի իշխանությունները միջազգային հանրությանը կոչ են անում ազդեցություն գործել, որպեսզի Ադրբեջանը պահպանի հրադադարի ռեժիմը: Ըստ ձեզ` միջազգային հանրությունը, մասնավորապես, Մինսկի խմբի համանախագահ երկրները ի՞նչ գործիքակազմ կարող են կիրառել, որո՞նք են նրանց հնարավորությունները:

-ԵԱՀԿ Մինսկի խմբի համանախագահ երկրների դիրքորոշումն այս հարցում հստակ է՝ կողմերը պետք է առաջնորդվեն 1994 թվականի Հրադադարի համաձայնագրի ու որպես լրացում 1995 թվականին ընդունված հրադադարի ռեժիմի ամրապնդման մասին համաձայնագրի դրույթներով: Այս համաձայնագրերն անժամկետ են:

Ադրբեջանը փորձում է հրադադարի նոր՝ երկկողմ (Հայաստան-Ադրբեջան) համաձայնագիր կնքել, ինչը բանակցային գործընթացից սահուն դուրս կթողնի Արցախին, որը 1994-95 թվականներին ընդունված համաձայնագրերի կողմ է:

Միջազգային հանրությունը փորձում է Ադրբեջանին զսպել շփման գծում հետաքննության մեխանիզմների ներդրմամբ, այսպես կոչված, դաշտային օգնականների թվի էական ավելացմամբ: Սակայն կիրառվող գործիքակազմի արդյունավետության ու առհասարակ ներդման վերաբերյալ անորոշությունը շատ է:

Կիրառվող գործիքակազմը պետք է տեղավորվի միջնորդներին տրված մանդատի շրջանակներում, այդ առումով ևս հարցերն ավելի շատ են, քան պատասխանները:

Ադրբեջանին զսպող քայլերի մեջ կարելի է դիտարկել այդ երկրին սպառազինության մատակարարումների վրա միջազգային սահմանափակումներ մտցնելը, ինչը, ճիշտ է, հեշտ չէ, սակայն էական քայլ կլինի:

-Չնայած հայկական կողմի հորդորներին, ամեն դեպքում տեսնում ենք, որ տարբեր հայտարարություններում հավասարության նշան է դրվում հակամարտող կողմերի միջև: Ո՞րը պետք է լինի հայկական կողմի անելիքը:

-Միջազգային հանրությունից ակնկալիքներ ունենք, սակայն ժամանակն ու պատմությունը ցույց են տալիս, որ սպասելիքները ոչ միշտ են արդարանում: Սխալ կլինի ասել, թե ապրիլյան իրադարձություններն էին, որ մեզ ստիպեցին այս եզրահանգման գալ, ուղղակի չորսօրյա պատերազմը վերահաստատեց այն մտահոգությունը, որն ունեինք ավելի վաղ:

Պետությունը իրավիճակի զարգացման տարբեր սցենարների հետ կապված իր հաստատված պլաններն ունի ու, կոնկրետ իրադրությունից ելնելով, հենց այդ ճանապարհով է շարժվում:

-Ղարաբաղյան հարցի հետ կապված Թուրքիայի իշխանությունների վերջին մի քանի հայտարարություններում, կարծես, որոշակի մեղմացում է նկատվում: Էրդողանը Արդբեջան կատարած այցի ընթացքում չշոշափեց ղարաբաղյան հարցը, իսկ արտգործնախարար Մևլյութ Չավուշօղլուն Պեկինում ասել է, որ ակնկալում են ո ւ հուսով են, որ այդ խնդիրը կլուծվի խաղաղ միջոցներով: Ինչո՞վ է պայմանավորված թուրքական իշխանությունների հռետորաբանության մեղմացումը:

-Դա միայն խաբկանք է. Թուրքիան ապրիլյան իրադարձությունների գլխավոր պատասխանատուներից է, և պետք է չէ նրա առանձին հայտարարություններից նման եզրահանգումներ անել:

Լրահոս
Վեան պաշտոնապես անցել է Լիբերիայի նախագահի պարտականությունների կատարմանը Գիտնականները պատմել են անոթների վրա շաքարի կործանարար ազդեցության մասին Նախագահ Սերժ Սարգսյանի խոսքը Ֆրանսիայի Հանրապետության նախագահ Էմանուել Մակրոնի հետ հանդիպման արդյունքներով Մխիթարյանը չի կարողանա ԵԼ խաղերին մասնակցել 7 համարի մարզաշապիկով Ֆրանսիայի նախագահը սիրով ընդունել է Ֆրանկոֆոնիայի երևանյան գագաթնաժողովին մասնակցելու Նախագահ Սարգսյանի հրավերը Շախմատի Հայաստանի չեմպիոնները պարգևատրվեցին Տեխնիկապես վերազինված նոր լսարանում ԵՊՀ ուսանողները կզարգացնեն արաբերենի իմացությունը Դեսպան Ուրազաևը Վիգեն Սարգսյանին է ներկայացրել ՀՀ-ում Ղազախստանի դեսպանության նորանշանակ ռազմական կցորդին Ադրբեջանական դատարանը ընդդիմադիր Գյոզալ Բայրամլիին դատապարտել է 3 տարվա ազատազրկման Ելիսեյան պալատում մեկնարկել են հայ-ֆրանսիական բարձր մակարդակի բանակցությունները Մակրոնն ակնկալում է, որ ԼՂ հակամարտության կարգավորման գործում երկխոսության վերսկսումը կբերի կոնկրետ արդյունքների Հայաստանն արևմուտքի և արևելքի միջև կայուն ժողովրդավարական երկիր կառուցելու երկար ճանապարհ է անցել. Էմանուել Մակրոն Հայաստանի վարչապետն ու Շվեյցարիայի նախագահը քննարկել են երկկողմ հարաբերությունների խորացմանն առնչվող հարցեր Պետք չէ հարկման դաշտը մանիպուլյացիայի ենթարկել. նախարարը որոշ ապրանքատեսակներից ԱԱՀ չգանձելու առաջարկի մասին ԵԽԽՎ քաղաքական հարցերի հանձնաժողովի նախագահ է ընտրվել Նիդերլանդների ներկայացուցիչը Մխիթարյանը «Արսենալ»-ի կազմում կկրի «7» համարի մարզաշապիկը Փարիզում մեկնարկել է Սերժ Սարգսյանի և Էմանուել Մակրոնի հանդիպումը Կարեն Կարապետյանը հանդիպել է Շվեյցարիայի Ազգային խորհրդի նախագահի հետ Կառավարությունը գյուղատնտեսության համար կսուբսիդավորի դիզվառելիքի թանկացումը Ադրբեջանում հում նավթի արդյունահանումը վերջին 7 տարում նվազել է 23,66 տոկոսով Եռացատկորդ Լևոն Աղասյանը ոսկե մեդալ է նվաճել Ղազախստանում Հայաստանում սննդամթերքի թանկացումն ավելի մեծ չափով է ազդում գնաճի վրա, քան տարածաշրջանի մյուս երկրներում Երևանի Հրաչյա Ներսիսյան փողոցում նոր արագաչափ կգործարկվի ՊԲ-ում անցնող տարում առաջընթաց է արձանագրվել զորքերի կենսագործունեության բոլոր ուղղություններով Գյուղատնտեսության նախարարը ներկայացրեց Հայաստանում կարտոֆիլի թանկացման պատճառը ՄԱԿ-ի հայաստանյան գրասենյակում տեղի է ունեցել ՄԱԶԾ-ԳԷՀ լայնածավալ ծրագրի ղեկավար կոմիտեի նիստը ԵԽԽՎ մոնիթորինգի հանձնաժողովում Հայաստանի հարցով նոր համազեկուցող է նշանակվել Վարդան Արամյանը տնտեսական կայուն աճ ունենալու համար կարևորում է մասնավոր ներդրումների ներգրավումը Արա Բաբլոյանն ընդունել է Հայաստանում Լիբանանի նորանշանակ դեսպանին Հարկային օրենսգրքի նոր դրույթները դրական ազդեցություն են ունենալու 90 տոկոս վարձու աշխատողների վրա Արաբագետն Աֆրինում Թուրքիայի գործողությունները համարում է անուղղակիորեն ԱՄՆ-ի դեմ Արցախի նախագահը մասնակցել է Պաշտպանության բանակի ռազմական խորհրդի նիստին Մխիթարյանի աշխատավարձի չափը «Արսենալ»-ում հայտնի է Ալեքսանդր Իսկանդարյանը խորհրդարանում չի տեսնում այնպիսի ուժի, որը կարող է ընդդիմանալ Արմեն Սարգսյանի թեկնածությանը Բենզինի, սեղմած գազի և դիզվառելիքի գների բարձրացումը շղթայական թանկացումների չի հանգեցնի Թուրքիայում ձերբակալվում են «Ձիթենու ճյուղ» գործողության դեմ արտահայտվող գործիչները ԿԲ-ն հունվարի գնաճը կանխատեսում է նախորդ տարիներին արձանագրվածի շրջանակում Կոչվում է «Ձիթենու ճյուղ» Խաչքարերը մեր պատմության ու մշակույթի, թերևս, ամենախորհրդանշական վկաներն են Մեկ անգամ կարմիր, ընդմիշտ կարմիր. «Յունայթեդ»-ի երկրպագուները շնորհակալություն են հայտնել Մխիթարյանին
Խմբագրի ընտրություն
website by Sargssyan