Լավրովն ու Քերին ԼՂ-ում տիրող իրավիճակի շուրջ դարձյալ հեռախոսազրույց են ունեցել
Նմանատիպ
Այսօր ամերիկյան կողմի նախաձեռնությամբ հեռախոսազրույց է տեղի ունեցել Ռուսաստանի արտաքին գործերի նախարար Սերգեյ Լավրովի և ԱՄՆ պետքարտուղար Ջոն Քերիի միջև, որի ընթացքում մտքեր են փոխանակվել Լեռնային Ղարաբաղի հակամարտության գոտում տիրող իրավիճակի շուրջ, հայտնում է ՌԴ ԱԳՆ պաշտոնական կայքը: Հիշեցնենք, որ ամերիկյան կողմի նախաձեռնությամբ Լավրովը և Քերին ԼՂ խնդրի շուրջ տիրող իրավիճակի շուրջ հեռախոսային քննարկում էին ունեցել ապրիլի 29-ին:
«Սերգեյ Լավրովը և Ջոն Քերին մտքեր են փոխանակել միջազգային օրակարգի մի շարք հարցերի առնչությամբ, այդ թվում` Լեռնային Ղարաբաղի հակամարտության գոտում տիրող իրավիճակի շուրջ»,– ասված է ՌԴ ԱԳՆ մայիսի 2-ի հաղորդագրության մեջ:
Արտաքին գերատեսչությունների ղեկավարները քննարկել են նաև սիրիական հակամարտության քաղաքական կարգավորման հեռանկարները: Նրանք հակամարտող կողմերին կոչ են արել պահպանել հրադադարի ռեժիմը:
Հեռախոսազրույցին անդրադարձ է եղել նաև Ուկրաինայում տիրող իրավիճակին: Լավրովն ընդգծել է Օդեսայում 2014թ. մայիսին տեղի ունեցած ողբերգության հետաքննությանը հասնելու անհրաժեշտությունը: Շեշտվել է, որ մինսկյան համաձայնագրերի լիարժեք կատարմանն այլընտրանք չկա:
Հետևեք մեզ նաև Telegram-ում