Կառավարությունը հավանություն տվեց Արցախի անկախությունը ճանաչելու օրինագծի վերաբերյալ կառավարական եզրակացությանը
Նմանատիպ
Կառավարությունն այսօրվա նիստում հավանություն տվեց «Արցախի Հանրապետությունը ճանաչելու մասին» ՀՀ օրենքի նախագծի վերաբերյալ կառավարության եզրակացությանը:
«Հայաստանի Հանրապետության կառավարությունը ներկայացված օրենքի նախագծի ընդունումը պայմանավորում է Հայաստանի և Արցախի միջև քննարկումների արդյունքներով՝ հաշվի առնելով հետագա զարգացումները, այդ թվում նաև արտաքին գործոնները»,-նման եզրակացություն է տվել ՀՀ ԱԳՆ-ն, որը ներկայացրեց ՀՀ փոխարտգործնախարար Շավարշ Քոչարյանը:
Նշենք, որ «Արցախի Հանրապետությունը ճանաչելու մասին» օրինագիծը ներկայացրել են Ազգային ժողովի պատգամավորներ Զարուհի Փոստանջյանն ու Հրանտ Բագրատյանը:
Հիշեցնենք, որ երեկ ՌԻԱ նովոստիի հետ զրույցում ՌԴ ԱԳ նախարար Սերգեյ Լավրովը հայտարարել էր, որ «Մոսկվան խուճապի պատճառ չի տեսնում՝ կապված հայ խորհրդարանականների` Լեռնային Ղարաբաղի ճանաչման նախաձեռնության հետ, քանի որ Երևանը հայտարարել է, որ տարածաշրջանի կարգավիճակը չի որոշվի միակողմանի կարգով»:
Հետևեք մեզ նաև Telegram-ում