Թուրքիայում առավոտյան մի բան են հայտարարում, օրվա երկրորդ կեսին ճիշտ հակառակ քայլերն անում. Զախարովա (տեսանյութ)
Նմանատիպ
Ռուսաստանն իրավիճակի մասին դատողություններ է անում ելնելով ոչ թե հայտարարություններից, այլ գործից: Այս մասին հրավիրված ճեպազրույցին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով Թուրքիայի նորանշանակ վարչապետ Բինալի Յըլդըրըմի հայտարարությանը, թե Ռուսաստանի հետ հարաբերությունների կարգավորման համար երկխոսության ճանապարհները բաց են թողելու:
«Հայտարարությունները, իհարկե, կարևոր են, և յուրաքանչյուր դրական հայտարարություն մեր կողմից ֆիքսվում է: Բայց խնդիրն այն է, որ դրանք պետք է հաստատվեն կոնկրետ գործերով: Չի կարելի առավոտյան հայտարարել հարաբերությունները բարելավելու ցանկության մասին, օրվա երկրորդ կեսին ճիշտ հակառակ քայլեր անել: Բոլորը հասուն մարդիկ են և գիտեն, թե ինչ ասել է միջազգային հարաբերություններ, ինչպես են կառուցվում միջպետական հարաբերությունները, ըստ այդմ՝ բոլորը շատ լավ գիտեն, թե որն էր պատճառը երկկողմ հարաբերությունների կտրուկ վատացման: Մենք դրսևորել ենք ճկունություն, նույնիսկ՝ համբերություն, փորձել ենք հասկանալ Թուրքիայի հետաքրքրությունները, թեպետ շատ բաներում դրանք չէին համընկնում ռուսական մոտցումներին: Բայց կան բաներ, որոնք չի կարելի անտեսել, ինչը տեղի ունեցավ 2015-ի նոյեմբերի 24-ին: Մենք մեկ անգամ չէ, որ գնահատականներում ասել ենք, թե ինչ է տեղի ունեցել և ինչը կարող է հանգեցնել հարաբերությունների նորմալացման: Մեր դիրքորոշումը չի փոխվել. դատելու ենք գործերից ելնելով»,-ընդգծել է Զախարովան:
Համապատասխան հատվածը 24:00-ից:
Հետևեք մեզ նաև Telegram-ում