Մոսկվան չի պատրաստվում «ձիթենու» ճյուղ մեկնել Անկարային. պիտի անեն իրենցից պահանջվածը. Լավրով (տեսանյութ)
Նմանատիպ
ՌԴ-ի դիրքորոշումը չի փոխվել. Անկարան պարտավոր է ներողություն խնդրել և փոխհատուցել ռուսական Սու-24-ի խոցման հետևանքով կորուստները: Այս մասին «Կոմսոմոլսկայա պրավդա»-ի կազմակերպած ուղիղ եթերին հայտարարել է ՌԴ ԱԳ նախարար Սերգեյ Լավրովը:
«Մենք երբեք չենք ասել, թե «ձիթենու» կամ ցանկացած այլ ճյուղ կմեկնենք Թուրքիային, ինչի համար: Մենք ասել ենք, որ Թուրքիան պարտավոր է ներողություն խնդրել և փոխհատուցել այն կորուստները, որոնք մեզ հասցվեցին այդ հանցավոր ակցիայի հետևանքով՝ ըստ էության ռազմական հանցագործության»,- ասել է Լավրովը՝ նկատելով, որ Ռուսաստանը պատրաստ է քննարկել Թուրքիայի հետ հարաբերությունների կարգավորման հարցը, բայց մինչ այդ Թուրքիան պիտի անի այն, ինչ պարտավոր է:
Անդրադառնալով Թուրքիայի արտգործնախարար Մևլութ Չավուշօղլույի՝ հարաբերությունների կարգավորման աշխատանքային խումբ ստեղծելու առաջարկին, Լավրովը նշել է, թե թուրքական կողմը «սողում է դեպի իրենց տարբեր խողովակների միջոցով, առաջարկում կոմիտեներ ստեղծել»:
Խոսելով Սիրիայում, Իրաքում, Թուրքիայում քրդերի իրավիճակից, Լավրովն Անկարայի գործողություններն անընդունելի է համարել և պահանջել, որ Թուրքիան իր զորքերը դուրս բերի Իրաքից` նշելով, որ սա արևմտյան գործընկերների կողմից հրապարակային ավելի մեծ ուշադրության պիտի արժանանա:
«Ես հետաքրքրվել եմ Քերրիից՝ ինչո՞ւ է արևմտյան կոալիցիան փաստացի դադարել է հարվածել ահաբեկիչներին, ինչու ոչ մի մարտական թռիչք չի կատարվել՝ կանխելու նավթի անօրինական տեղափոխումը Թուրքիա: Նորից առաջ քաշվեց տարօրինակ տրամաբանություն, թե «ահաբեկիչները խառնված են լավ մարդկանց հետ, ուստի կարող է հանկարծ հարվածես լավերին, ինչը չի կարելի թույլ տալ»: Սիրիայում մեր գործողության առաջին ամիսներին իրավիճակն իրապես «կոտրվեց», սա բոլորն են ընդունում: Ցանկությունը, որ գործընթացը կանգ առնի կամ ընթանա հակառակ ուղղությամբ, ակներև է՝ և Թուրքիայի, և թերևս մեր արևմտյան գործընկերների մոտ, քանի որ դեռ հինգ տարի առաջ նրանք հայտարարեցին, որ Ասադը պիտի հեռանա»:
Ուկրաինայի խնդրի, ՌԴ-ԵՄ հարաբերությունների և մյուս հարցերի վերաբերյալ Սերգեյ Լավրովի պատասխանները՝ ստորև
Հետևեք մեզ նաև Telegram-ում