AM | RU
USD
EUR
RUB

1915-ին մեր պապերը փախել են, մենք պիտի չփախնենք. ամեն ինչ պիտի վերջանա հաղթանակով. Այսօր հիշել են ՏՂԵՐՔԻՆ

 
 

Հունիսի 29-ն անհետ կորած ազամարտիկների հիշատակի օրն է. 24 տարի առաջ  այս օրը «Արաբո», «Զեյթուն», «Արծիվ-13» ջոկատների մարտիկները տվեցին իրենց վերջին կռիվն ու անմահացան անհայտության մեջ:

Օրվա առիթով «Եռաբլուր» զինվորական պանթեոնում տեղի ունեցավ ոգեկոչման և ծաղկեդրման արարողություն, որին մասնակցում էին  ՀՀ ՊՆ և ԶՈՒ ղեկավար կազմը,  ՀՀ գերիների, պատանդների և անհետ կորածների հարցերով զբաղվող հանձնաժողովի անդամները, ՀՀ ՊՆ առընթեր հասարակական խորհրդի, ԵԿՄ-ի, Արցախյան պատերազմի վետերանների միության, ՀԿ-ների ներկայացուցիչներ, անհետ կորած ազատամարտիկների հարազատներ: 

/disc/29-06-16/b823e0f5d20d6f18f86259d810b7e6a3.jpg

/disc/29-06-16/a65df88166c462f894f4571425f1842e.jpg

/disc/29-06-16/a3bbf918b84a879d1e20882e5183cf83.jpg

/disc/29-06-16/eda1cb4745567fe1973ea005d9b9d259.jpg

/disc/29-06-16/e53eb2a24db46584c9c621d954287e68.jpg

/disc/29-06-16/48d1bb8aee29af0eee07e48bbe8b3214.jpg

«Տարիներ առաջ այս օրը, հակառակորդի խելագար հարձակումը կանգնեցնելիս Մարտակերտի ճակատում «Արաբո», «Զեյթուն»  և  Արմավիրի կամավորական ջոկատների ու  Մարտակերտի պաշտպանական շրջանի մարտիկները մնալով շրջափակման մեջ, կռվեցին մինչև վերջ` գրելով արցախյան ազատամարտի ամենահերոսական և ողբերգական էջերից մեկը: Դժվար է ասել, թե ինչ ընթացք կունենային հետագա մարտական գործողությունները, եթե չլինեին մեր հերոս ընկերների կամքը, հավատն արդարության ու հաղթանակի նկատմամբ և թշնամուն ամեն գնով կանգնեցնելու անկոտրում վճռականությունը: Անհետ կորած մարտիկները յուրաքանչյուր պատերազմի անխուսափելի ուղեկիցներն ու չսպիացող վերքերն են»,-իր խոսքում  նշեց ՀՀ պաշտպանության նախարարը՝  նկատելով, որ սրանից հնարավոր է լինում խուսափել կանոնավոր բանակի առկայության դեպքում:

/disc/29-06-16/48a5fb6e79302147bbc9e4f75e2d6085.jpg

Նախարարն ընդգծեց, որ իր ղեկավարությամբ ՀՀ գերիների, պատանդների և անհետ կորածների հարցերով զբաղվող հանձնաժողովը բնականոն հունով աշխատում է, տարվում է օպերատիվ-հետախուզական աշխատանք՝ պարզելու արդյո՞ք կան նորություններ անհետ կորածների ճակատագրի հետ կապված: Եվ քանի որ չկա Ադրբեջանի հետ  ուղիղ շփման հնարավորություն, այսօր ՀՀ պաշտպանության նախարարությունն այս հարցով աշխատում է միայն  միջազգային  կառույցների միջոցով.«Ցավոք, անհետ կորածների վերաբերյալ այսօր նորություններ չունենք: Բայց ամեն անգամ փորձում ենք ինչ-որ աշխատանք տանել»:

         Առաջին հերթին Անկախ Հայաստան և Ազատ հայրենիք. գործերը կսպասեն

/disc/29-06-16/00f8fc675e52b594ee8b480660b8b03a.jpg

«Ընդամենը 33 տարեկան էր, ամուսնացած չէր: Վերջին մարտը 1992-ի հունիսի 20-ին էր, երբ իր ղեկավարած «Արծիվ-13» ջոկատը  Մարտակերտի շրջանի Լենինավանի մատույցներում ընկավ շրջափակման մեջ: Սկզբում չհավատացի էդ լուրին, որ իմ տղան...Բայց արդեն  25 տարի է անցել, բերանս չի գնում, որ ասեմ...բերանս պապանձվի, որ ասեմ գերեզման...Հինգ տարի այդ ջոկատի կազմակերպիչն իմ տղան է եղել, Արմավիրի առաջին կամավորական ջոկատի հիմնադիրը, նաև՝ «Ղարաբաղ» կոմիտե, ՀՀՇ...Այո, հինգ տարի այդ գործի մեջ էր իմ տղան, համազգային շարժումը սկսել է և առաջինն ինքն է արձագանքել Հոկտեմբերյանում: Առաջին նստացույցն անողն էլ է իմ տղան եղել Կարմիր ակումբի դռան առաջ: Ինքն  ինժեներ էր աշխատում, բայց բոլորը դրեց մի կողմ ու անցավ կռվի:  Իր պահանջն էր՝ Անկախ Հայաստան, Ազատ հայրենիք: Այդ շարժման հետ Երևանում ցույցերի մեջ էր,  Ինքը և քաղաքական գործիչ էր, և զինվորական, երբ երկրի վիճակը վատացավ թողեց իր քաղաքական գործն ու ասեց՝ զենք պիտի վերցնել,  քաղաքական գործով չի լինի»,- ինձ հետ զրույցում պատմեց «Արծիվ-13» ջոկատի հրամանատար Ռուբեն Եղոյանի մայրը՝ տիկին Թամարան, որն ուշադրությունս գրավեց իր համեստությամբ՝  ուսուցչի տպավորություն թողնելով, երբ դեռ չէի էլ մոտեցել:

/disc/29-06-16/ca885c7e2c0bdf93cb9541b61a2058c9.jpg

Ցավեցնող հպարտությամբ թվարկում է որդու կռված տեղերը. «Մասնակցել է Երասխի, Իջևանի, Նոյեմբերյանի, Արծվաշենի մարտերին, հետո Հայաստանի սահմաններից անցավ Արցախ և 2 տարի մնաց այնտեղ,  բոլոր մարտերին մասնակցել է՝ Հադրութ, Մաղավուս, Մատաղիս, Ջրաբերդ, Հակոբ Կամար, Վերիշեն և Չայլու գյուղերի համար: Եթե անգամ ասեինք մի գնա, գնալու էր: Չէինք կարող դեմ լինել,  որովհետև  եթե ինքը որոշում էր, ուրեմն իր ասածը պիտի լիներ: Ասում էր՝ առաջին հերթին Հայրենիք ու Հայաստան, մեր ժողովրդին,  հետո կանցնենք այլ գործերի: Իրեն  ոչ պաշտոնը, ոչ էլ փողն է հետաքրքրել: Ինքը վստահ էր, որ պիտի հաղթենք, որովհետև իր պապերը կոտորվել էին թուրքական փախուփախին. մենք Էրգրից ենք:  Ասում էր՝ 1915-ին մեր պապերը, ղեկավարությունը փախել են, եթե կռվեին, այլ բան կլիներ, հիմա չպիտի փախնենք: Ու թող մի  քանիսին էլ մենք կոտորենք, մեկ է մեզ կոտորում են»:

Մի պահ լռությունից հետո տիկին Թամարան հիշում է՝ որդին  երազում էր ավիակոնստրուկտոր դառնալ, պարապում էր, որ Մոսկվա մեկնի ուսանելու, սակայն ճակատագիրն անմահության այլ ուղի էր նախանշել:

«Իմ տղեն զենքի արտադրության նախագահն էր Հոկտեմբերյանում, ամբողջ զենքի  հեղինակն ինքն էր. մի ոտքն Արցախում էր, մեկը հաստոցաշինական գործարանում: Սաղ օրը ստանոկի կողքը զենք էր սարքում՝ հիմա լավ էր թե վատ, բայց էն ժամանակ զենք չունեինք»,-շարունակում է տիկին Թամարան և հեռանալուց առաջ կրկնում որդու խոսքը.  «Մեր պայքարի փորձը ցույց է տվել, որ ամեն ինչ պիտի վերջանա հաղթանակով»:

Հ.Գ. Ճակատագրի հեգնանք անվանել, թե չար կատակ, փորձություն, բայց տիկին Թամարայի հետ հանդիպումիցս 2 օր հետո Ադրբեջանն Արցախում պատերազմական գործողություններ սկսեց: Եվ տպավորություն է, որ վերջին խոսքը մի տեսակ մարգարեական դարձավ:

ՄԱՐԻԱՄ ՊԵՏՐՈՍՅԱՆ 

 

 

 

Լրահոս
Սերգեյ Լավրովն ու Տիգրան Սարգսյանը մտքեր են փոխանակել ԵԱՏՄ-ի միջազգային օրակարգի վերաբերյալ Իրանում հայտնել են սեփական հրթիռների հեռահարության ավելացման հնարավորության մասին Ցավոք, շատ հաճախ ենք արտաբերում «այլևս երբեք» բառերը. Զոհրաբ Մնացականյան Պարսկալեզու ԶԼՄ-ներն արձագանքել են Հայաստանում կայացած ԱԺ արտահերթ ընտրություններին Ռուս փորձագետը Հայաստանում տեխնոկրատների ազդեցության աճ է կանխատեսում Պորոշենկոն օրենք է ստորագրել՝ Ռուսաստանի հետ բարեկամության պայմանագրի չեղարկման մասին Նախագահ Սարգսյանը շնորհավորել է Բակո Սահակյանին՝ ԼՂՀ պետական անկախության մասին հանրաքվեի և Սահմանադրության օրվա առթիվ Գարեգին Բ ամենայն հայոց կաթողիկոսն ուղերձ է հղել ՀՀ Ազգային ժողովի ընտրությունների առիթով Դոդոնը ժամանակավորապես հեռացվել է Մոլդովայի նախագահի պաշտոնից Սկսվել է Մակրոնի և արհմիությունների ու կուսակցությունների ներկայացուցիչների հանդիպումը ՀՀԿ-ն հաջողություն է մաղթում խորհրդարան անցած ուժերին և հայտարարում ժողովրդի խնդիրների լուծմանը հանձնառու լինելու մասին Հայ-ռուսական զինված ուժերի միացյալ խմբավորման հրամանատարի գլխավորած պատվիրակությունը ՌԴ-ում կմասնակցի ռազմագիտական համաժողովի Թող Աստված ամուր պահի ու պահպանի մեր հայրենիքը. Արամ Ա կաթողիկոսը նամակ է հղել ՀՀ նախագահին Բակո Սահակյանը շնորհավորել է Նիկոլ Փաշինյանին ԱԺ արտահերթ ընտրություններում տարած համոզիչ հաղթանակի կապակցությամբ Խորհրդարան անցած քաղաքական ուժերի ամենաշատ ձայներ հավաքած ռեյտինգային թեկնածուները՝ ըստ ընտրատարածքների Քվեների առքուվաճառք տեղի չի ունեցել, ընտրություններն անցել են ազատ պայմաններում. Միջազգային դիտորդներ Մահացել է Զանգեգուրի պղնձամոլիբդենային կոմբինատի տնօրենների խորհրդի նախագահ Մաքսիմ Հակոբյանը Փորձ է արվում խոչընդոտել ՄԻԵԴ հնարավորինս շուտ դիմելը. Ռոբերտ Քոչարյանի պաշտպանական թիմ Նոր Ազգային ժողովն ու կառավարությունն աշխատելու են պատասխանատվության մեծ տիրույթում. ՀՀ նախագահ ԿԸՀ-ն հաստատեց ԱԺ արտահերթ ընտրությունների նախնական արդյունքների արձանագրությունը ԿԸՀ-ն դեռ չի հաշվարկել, թե որ ուժը որքան մանդատ կունենա խորհրդարանում Բակո Սահակյանը շնորհավորական ուղերձ է հղել ԼՂՀ պետական անկախության մասին հանրաքվեի եւ Սահմանադրության օրվա առթիվ Հանրապետության որոշ ավտոճանապարհներին ձյուն և մառախուղ է Մի քանի բառով «ընտրությունների» մասին և ոչ միայն։ ՕՐՎԱ ԽՈՐՀՈՒՐԴԸ: Դեկտեմբերի 10 Բոլոր ընտրատեղամասերի նախնական արդյունքներով «Իմ քայլը» ստացել է ձայների 70,43 տոկոսը Նախնական տվյալներ՝ 134 ընտրատեղամասից Հայտնի են 34 տեղամասերի քվեարկության արդյունքները. ուղիղ Արդյունքներ՝ 29 ընտրատեղամասից. առջևում «Իմ քայլն» է, 2-րդը՝ ԲՀԿ-ն Առերևույթ ընտրախախտումների վերաբերյալ ՀՀ քննչական կոմիտեն 20:00-ի դրությամբ ստացել է 38 հաղորդում Էլեկտրոնային եղանակով քվեարկության արդյունքներով առջևում «Իմ քայլը» դաշինքն է, 2-րդը՝ ԼՀ-ն ԱԺ արտահերթ ընտրություններին մասնակցել է ընտրողների 48,63%-ը. ԿԸՀ-ն հայտնել է նախնական տվյալները Հայաստանում ավարտվեց արտահերթ խորհրդարանական ընտրությունների քվեարկությունը Ժամը 17:00-ի դրությամբ քվեարկությանը մասնակցել է ընտրողների 39,54 տոկոսը էլեկտրոնային քվեարկության արդյունքները կամփոփվեն դեկտեմբերի 9-ին` ժամը 20:00-ից հետո ԱԺ ընտրությունների քվեարկության օրը գրանցված իրավախախտումները կրկնակի նվազել են Գեղարքունիքի մարզում ժամը 11-ի դրությամբ քվեարկել է ընտրողների 7,8 տոկոսը Ամենայն Հայոց Կաթողիկոսը քվեարկեց երկրի կայունության, խաղաղության և առաջընթացի համար ՀՀ երրորդ նախագահը կատարեց իր քաղաքացիական պարտքը Ոստիկանությունն ամփոփ տվյալներ է ներկայացրել քարոզարշավի ընթացքում տեղի ունեցած խախտումների վերաբերյալ
Խմբագրի ընտրություն
website by Sargssyan