«Իրատես de facto». ՊՊԾ գնդի գրավումը ժամանակավորապես խառնել է բոլոր քաղաքական ուժերի ծրագրերը

«Աշնանը նախատեսված են ՏԻՄ ընտրություններ բազմաթիվ համայնքներում և մի շարք քաղաքներում։ Գյումրու հարցում, ի վերջո, ՀՀԿ-ն կողմնորոշվեց, բայց մյուսները դեռ սպասում են իրենց հերթին։ Նրանց հարցում ՀՀԿ-ն դեռևս հստակ որոշումներ չունի։ Զինված խմբի հարձակումը ժամանակավորապես կասեցրել է բոլոր գործընթացները և հանդիպումները։

Մեր տեղեկություններով, մի շարք համայնքների, հատկապես քաղաքների թեկնածուներ ներքին անհանգստություն ունեն, որ քիչ ժամանակ է մնացել, իսկ ՀՀԿ-ի հավանությանը դեռ չեն արժանացել։ Սրան զուգահեռ, Խորենացու փողոցում կատարվածը ժողովրդին բավականին ըմբոստ է դարձրել, ինչի պատճառով ՀՀԿ-ական գործող համայնքապետերն ու քաղաքապետերը մտավախություն ունեն, որ, իշխանության մաս լինելով, շատ դժվար կլինի հանրության վստահությանն արժանանալ ու կրկին ցանկալի աթոռը զբաղեցնել կամ այն հանձնել իրենց նախընտրած թեկնածուին։ Սա հատկապես վերաբերում է քաղաքներին, իսկ փոքր համայնքներում ընտրությունները միշտ էլ անցկացվում են խնամի-ծանոթ-բարեկամ սկզբունքով»,–գրում է թերթը։

Մանրամասները՝ թերթի այսօրվա համարում։

Հետևեք մեզ նաև Telegram-ում