Արայիկ Խանդոյանից բացի ևս երկու վիրավոր կա. վերջիններիս տեղափոխել են «Էրեբունի» բ/կ (թարմացվող)
Նմանատիպ
20:38
«Սասնա ծռեր» խմբավորման անդամներից այսօր վիրավորված Արայիկ Խանդոյանը հրաժարվել է «Էրեբունի» բ/կ տեղափոխվել՝ նախընտրելով բուժօգնությունը տեղում ստանալ: Նրա դեպքում ոսկորը վնասված չի, փափուկ հյուսվածքի վնասվածք է:
19:42
Ոստիկանության հասարակայնության հետ կապերի և լրատվության վարչության պետ Աշոտ Ահարոնյանը հայտնեց, որ «ՊՊծ գնդի տարածքից կրակահերթեր արձակած եւ իրավապահների պատասխան կրակից վիրավորված Արթուր Մելքոնյանն ու Արմեն Լամբարյանը տեղափոխվել են հիվանդանոց եւ անհրաժեշտ բուժօգնություն են ստանում»:
19:34
ՊՊԾ գնդի տարածքից վիրավորները տեղափոխվեցին «Էրեբունի» բ/կ: Ըստ նախնական տեղեկության՝ նրանցից մեկն Արմեն Լամբարյանն է:
19:12
Ոստիկանությունից տեղեկացրել էին, որ խախտելով իրավապահների պահանջը՝ ՊՊԾ գնդի տարածքից կրակահերթեր են արձակվել, նաև, որ վիրավորվել է զինված խմբի անդամ Արայիկ Խանդոյանը: Գնդի տարածքից կրակահերթերը շարունակվել են: Իրավապահների պատասխան կրակից վիրավորվել են կրակոց արձակողներից ևս երկուսը: Նրանց ցուցաբերվում է պատշաճ բուժօգնություն:
16:39
Քիչ առաջ «Առաջին լրատվական»-ի հետ զրույցում Վարուժան Ավետիսյանը հայտնեց, որ ոտքից վիրավորել են Արայիկ Խանդոյանին (Միայնակ գայլը): Թե ինչ վնասվածք է ստացել վերջինս դժվարացավ ասել՝ նշելով, որ դա կպարզի վերջինս մեզ հետ զրույցում նշեց, որ եթե այդպես շարունակվի իրենք նույնպես կդիմեն զենքի միջոցով ինքնապաշտպանության: Մենք չենք ուզում արյունահեղություն, մենք ահաբեկիչներ չենք:
«Արայիկ Խանդոյանը մոտեցավ պարզելու, թե ինչ են նետում անօդաչու թռչող սարքից՝ դա արդյո՞ք ռումբ է, թե ոչ, այդ պահին դիպուկահարից արձակված կրակոցից Խանդոյանը ոտքից վիրավորվեց»:
Քիչ առաջ Ոստիկանությունը հաստատեց վիրավորման տեղեկությունը.
«Ի խախտումն իրավապահների պահանջի՝ քիչ առաջ ՊՊԾ գնդի տարածքում կրակահերթեր են հնչել: Իրավապահները պատասխան կրակ են բացել: Վիրավորվել է կրակողներից մեկը` Արայիկ Խանդոյանը»,-տեղեկացրեց ոստիկանության հասարակայնության հետ կապերի և լրատվության վարչության պետ Աշոտ Ահարոնյանը:
Հետևեք մեզ նաև Telegram-ում