Տարածաշրջանի կոնֆլիկտները պիտի լուծվեն միջազգային իրավունքի նորմերի հիման վրա. Եռակողմ հռչակագիր
Նմանատիպ
Ռուսաստանի, Իրանի և Ադրբեջանի նախագահները Բաքվում կայացած եռակողմ հանդիպման արդյունքներով օգոստոսի 8-ին հռչակագիր են ընդունել: Այս մասին հաղորդում է ՌԻԱ Նովոստին:
Փաստաթղթում ընդգծվում է կողմերի վճռականությունը ահաբեկչության, ծայրահեղականության, զենքի և թմրամիջոցների անօրինական շրջանառության, թրաֆիկինգի դեմ պայքարի հարցերում:
Բացի այս, կողմերն ընդունել են, որ «չլուծված հակամարտությունները խոչընդոտում են տարածաշրջանային համագործակցությանը» և շեշտել դրանց կարգավորման կարևորությունը «առկա սկզբունքների և միջազգային իրավունքի նորմերի հիման վրա»:
«Կողմերը կշարունակեն իրավահավասար և փոխշահավետ բազմակողմանի համագործակցությունը, ինչպես նաև տարբեր մակարդակներում կխորացնեն և կընդլայնեն քաղաքական երկխոսությունը փոխադարձ հետաքրքրություն ներկայացնող հարցերի ամբողջական սպեկտրի շուրջ», — ասված է հռչակագրում:
Միաժամանակ, առաջնորդները պայմանավորվել են խորացնել համագործակցությունը տնտեսական տարբեր ոլորտներում՝ իրավահավասարության և փոխշահավետության սկզբունքի հիման վրա:
Հետևեք մեզ նաև Telegram-ում