Քերին եւ Լավրովը օգոստոսի 26-ին Ժնեւի բանակցություններում կքննարկեն Սիրիայի իրադրությունը
24/08/2016 18:24
Նմանատիպ
Օգոստոսի 26-ին Ժնեւում տեղի կունենան ՌԴ-ի եւ ԱՄՆ-ի արտաքին քաղաքական գերատեսչությունների ղեկավարների՝ Սերգեյ Լավրովի եւ Ջոն Քերիի բանակցությունները: Այդ մասին, ինչպես տեղեկացնում է «Արմենպրես»-ը, ՏԱՍՍ-ին հայտնել են ՌԴ ԱԳ նախարարության տեղեկատվության եւ մամուլի դեպարտամենտում:
«Օգոստոսի 26-ին Ժնեւում տեղի կունենան Սերգեյ Լավրովի եւ Ջոն Քերիի բանակցությունները»,-նշել են նախարարությունում:
Ինչպես սպասվում է, հանդիպման գլխավոր թեման կդառնա Սիրիայում Ռուսաստանի եւ ԱՄՆ-ի հակաահաբեկչական համագործակցությունը:
Ավելի վաղ երկու երկրների փորձագետները կոնսուլտացիաներ են անցկացրել Ժնեւում, որտեղ քննարկվել են նման փոխգործակցության հնարավորությունները:
Հետևեք մեզ նաև Telegram-ում