Օբաման Պուտինի հետ հանդիպում է ակնկալում G20-ի գագաթնաժողովում. Սպիտակ տուն
30/08/2016 11:50
Նմանատիպ
ԱՄՆ-ի նախագահ Բարաք Օբաման ՌԴ-ի նախագահ Վլադիմիր Պուտինի հետ հանդիպում է ակնկալում G20-ի՝ Չինաստանի Հանչժոու քաղաքում կայանալիք գագաթնաժողովում: Այդ մասին, ինչպես տեղեկացնում է «Արմենպրես»-ը, Սպիտակ տանը կայացած ճեպազրույցի ժամանակ հայտարարել է ԱՄՆ-ի նախագահի ազգային անվտանգության հարցերով օգնականի տեղակալ Բեն Ռոդսը:
Դրա հետ մեկտեղ նա ճշտել է, որ Ռուսաստանի եւ ԱՄՆ-ի ղեկավարների պաշտոնական հանդիպում առայժմ չի պլանավորվում: «Սակայն նրանց մասնակցությամբ նմանօրինակ բոլոր համաժողովներում մենք ջանում ենք հնարավորություն գտնել նրանց շփման համար: Ուշադրության կենտրոնում սովորաբար Սիրիան է եւ Ուկրաինան»,- ասել է նա:
G20-ի գագաթնաժողովը սեպտեմբերի 4-5-ին տեղի կունենա Հանչժոու քաղաքում (ՉԺՀ-ի Ժժեցզյանի նահանգի վարչական կենտրոն), հաղորդել է ՏԱՍՍ-ը:
Հետևեք մեզ նաև Telegram-ում