Սեպտեմբերի 8-ին Մոսկվայում ԼՂ հարցով խորհրդատվություն է անցկացվելու
31/08/2016 16:39
Նմանատիպ
Սեպտեմբերի 8-ին Մոսկվայում ԵԱՀԿ Մինսկի խմբի համանախագահները ԼՂ հարցով խորհրդատվություն են անցկացնելու: Այս մասին լրագրողներին հայտնել է ՌԴ ԱԳՆ պաշտոնական ներկայացուցիչ Մարիա Զախարովան:
«Քննարկվելու են ԼՂ հակամարտության կարգավորմանն առնչվող հրատապ հարցեր, հատուկ ուշադրություն է դարձվելու Վիեննայում և Սանկտ Պետերբուրգում ձեռքբերված պայմանավորվածությունների կատարմանը», – ասել է նա:
ՌԻԱ Նովոստիի հաղորդմամբ, Զախարովան ասել է, որ խոսքը պլանային խորհրդատվությունների մասին է, ինչպիսիք պարբերաբար տեղի են ունենում Վաշինգտոնում, Փարիզում և Մոսկվայում, որի հիմնական նպատակը հետևյալն է՝ կոորդինացնել երեք երկրների ջանքերը ԼՂ հակամարտության կարգավորման գործում:
Հետևեք մեզ նաև Telegram-ում