Զարգացման ասիական բանկը Վրաստանին 100 մլն դոլար կհատկացնի բարեփոխումներին աջակցելու համար
Նմանատիպ
Զարգացման ասիական բանկը (ԶԱԲ) Վրաստանին 100 մլն դոլարի չափով վարկ կհատկացնի ներքին ռեսուրսների մոբիլիզացման բարելավմամբ ինկլյուզիվ աճի ծրագրի շրջանակներում: Համապատասխան համաձայնագիրը Թբիլիսիում ստորագրել են Վրաստանի ֆինանսների նախարար Նոդար Խադուրին եւ Վրաստանում ԶԱԲ-ի մշտական ներկայացուցիչ Յեշիմ Էլհան Քայիալը:
Այդ մասին, ինչպես տեղեկացնում Է «Արմենպրես»-ը, ասված Է հանրապետության ֆինանսների նախարարության մամուլի ծառայության հաղորդագրության մեջ: Ծրագրի հիմնական նպատակը ներքին ռեսուրսների ավելի արդյունավետ մոբիլիզացումն Է պետական եւ մասնավոր ներդրումների աճին աջակցելու համար:
Այս վարկն ավարտականն Է եռամյա ֆինանսական ծրագրի շրջանակներում, որի ծավալը կազմում Է 250 մլն դոլար: 75-ական մլն դոլարի առաջին երկու մասնաբաժիններն այս ծրագրի շրջանակներում Վրաստանն ստացել Է 2014 եւ 2015 թվականներին, հաղորդել Է Sputnik-ը:
Հետևեք մեզ նաև Telegram-ում