«Ժամանակ». Հրաչյա Ռոստոմյանը համաձայնել նախարար նշանակվել՝ պայմանով

«Ժամանակ»-ը գրել է, որ Սպորտի և երիտասարդության հարցերով նորանշանակ նախարար Հրաչյա Ռոստոմյանը համաձայնել է նախարար նշանակվել պայմանով, որ շարունակի մնալ ՀԱՕԿ փոխնախագահ։ Հրաչ Ռոստոմյանը օրերս Սերժ Սարգսյանի կողմից պարգևատրվել էր «Հայրենիքին մատուցած ծառայությունների համար» երկրորդ աստիճանի մեդալով։ 

«Ուշագրավ է, որ սպորտի և երիտասարդության նախարար Գաբրիել Ղազարյանը ոչ մի գնահատանքի չարժանացավ։ Ըստ տեղեկությունների՝ 2015թ. փետրվար ամսին տեղի ունեցած հայտնի իրադարձություններից հետո նախարարի պաշտոնը թողնելուց հետո էլ Հրաչյա Ռոստոմյանը շարունակել է համակարգել սպորտի նախարարության աշխատանքները։ Նշենք, որ նախարարի պաշտոնում Հրաչյա Ռոստոմյանը նշանակվում է երկրորդ անգամ։ Առաջին անգամ այդ պաշտոնում նշանակվել էր 2012թ. հունիսի 16-ին և պաշտոնավարել մինչև 2014թ. մայիսը»,-գրել է թերթը: