ԱՄՆ-ում Սաուդյան Արաբիայի դեմ առաջին հայցն է ներկայացվել սեպտեմբերի 11-ի ահաբեկչության հետ կապված
Նմանատիպ
ԱՄՆ-ում առաջին հայցն է ներկայացվել Սաուդյան Արաբիայի դեմ` կապված 2001 թվականին սեպտեմբերի 11-ին իրականացված ահաբեկչության հետ: Այս մասին տեղեկացնում է «Արմենպրես»-ը` վկայակոչելով «Բլումբերգ»-ը:
Վաշինգտոնի շրջանային դատարան է դիմել Պենտագոնի ահաբեկչության ժամանակ զոհված սպա Պատրիկ Դաննի այրին` Ստեֆանի Ռոսսի Դեսիմոնը:
Սպայի այրին, ով ամուսնու զոհվելու ժամանակ հղի էր, իր եւ դստեր անունից մեղադրել է Էր Ռիադին «Ալ-Քաիդա» ահաբեկչական կազմակերպությանը եւ առաջնորդ Ուսամա բեն Լադենին աջակցություն ցուցաբերելու համար:
Նա պահանջում է Սաուդյան Արաբիայից գումարային փոխհատուցում ամուսնու սպանության եւ Դեսիմոնին նյարդային համակարգի կանխամտածված խախտման հասցնելու համար:
Սեպտեմբերի 28-ին ԱՄՆ Կոնգրեսը վերացրեց նախագահ Բարաք Օբամայի արգելքը եւ ընդունեց օրենք, որի համաձայն ամերիկացիներն իրավունք ունեն դատի տալ ահաբեկչության մեղսակից երկրներին:
Հետևեք մեզ նաև Telegram-ում