AM | RU
USD
EUR
RUB

Բրիտանացի գիտնականները փորձում են վերլուծել Վիկտոր Դալլաքյանի պահվածքը

 
 

Յուրաքանչյուր մարդ կարող է իր ուզած պահին դուրս գալ ակտիվ քաղաքականությունից ու հետո կրկին վերադառնալու հայտ ներկայացնել, եթե իհարկե գտնում է, որ քաղաքական դաշտն իր ներկայության կարիքն ունի: Կարող է աշխատանքից ազատման դիմում գրել, հետո նորից ընդունվել աշխատանքի, եթե իհարկե ընդունող լինի:

Այդ շրջադարձերն իր իրավունքն են ու եթե մտածում է, որ ինքը ծնվել է ռեվերանսներ անելու համար, ապա քավ լիցի, թող անի: Սակայն երբ մարդը անցնում է ողջախոհության սահմաններն ու իրեն երևակայում, կամ իրեն դրդում են, որ երևակայի իբր ինքը ժամանակի ասպետն է, ապա արդյունքը լինում է այն, որ տվյալ անձը ասպետ դառնալու փոխարեն, հայտնվում է անորսալի Ջոյի կարգավիճակում:

Ամենայն հավանականությամբ ինչ որ մի «բարեկամ», հավանաբար հարբած վիճակում, պարոն Դալլաքյանի հետ կատակել է, ասելով, որ աշխատանքից դուրս գալու դեպքում ընտանիքդ կընկնի հարվածի տակ, ու քանի որ այդ «բարեկամը» հարբած լինելուց իր կատակը կրկնել է մի քանի անգամ ու դեմքի լուրջ արտահայտությամբ, արդյունքում պարոն Դալլաքյանը իր կամքից անկախ ապացուցել է Մ. Գորկու մի թեզը, կամ աֆորիզմը, ինչպես կուզեք. «Եթե մարդուն մի քանի անգամ ասես, որ ինքը խոզ է, ապա այդ մարդն ի վերջո կսկսի խոզի պես խռնչալ»: Իսկ քանի որ, փառք Աստծո, տվյալ պահին որևէ մեկը պարոն Դալլաքյանին չի վիրավորել, այլ ուղղակի կատակել է, ապա Գորկու աֆորիզմում մի փոքր փոփոխություն է տեղի ունեցել այն առումով, որ խռնչալու փոխարեն, մարդը սկսել է բարբաջել:

Իհարկե մենք չենք փորձում վերլուծել պարոն Դալլաքյանի հոգեհուզական վիճակն ու տատանումները, ապրումներն ու ներշնչանքները, երազանքներն ու անձի վերաբերյալ առասպելային կարևորության իղձերը: Դրանով կարող են զբաղվել հոգեբանները:

Վերջապես կան նաև անմեղ ու բոլորին զվարճացնող տարօրինակներ, ինչպես մի հայտնի անեկդոտում, երբ հոգեբուժարանում մի հիվանդ հայտարարում է իբր ինքը Նապոլեոնն է: Երկրորդ հիվանդի հարցին, թե ո՞վ է նման բան ասել, հպարտորեն ասում է Աստված: Այդ լսելով, երրորդ հիվանդը շատ հանգիստ ասում է. «սուտ է ասում, ես իրեն նման բան չեմ ասել»:

Խնդիրն այստեղ քաղաքական դաշտն անլրջացնելու փորձերն են ու զավեշտի հասնող հայտարարությունները, մանավանդ երբ այդ զառանցագին մտքերի վրա փորձում ես բևեռել օտարերկրյա դեսպանների ուշադրությունը:

Վստահ եմ, որ երեկվա այդ հայտարարությունը ապահովեց ոչ միայն ֆեյսբուքյան հասարակության բարձր տրամադրությունը, այլև հաճելի ու ուրախ աշխատանքային մթնոլորտ ստեղծեց բոլոր այն դեսպանատներում, որոնց ներկայացուցիչները ականջալուր եղան այդ հայտարարությանը:

Պարոն Դալլաքյանը գուցե քննադատության չարժանանար, եթե պարզապես դուրս գար իշխանությունից, բացեր իր պատկերացրած կուսակցությունը ու իր ուժերը կրկին փորձեր ընդդիմադիր դաշտում: Այդտեղ արտասովոր ոչինչ չէր լինի ու նման գործելավոճն ու շրջադարձերը ոչ առաջինն են, ոչ էլ վերջինն են լինելու:

Բրիտանացի գիտնականներն ապացուցել են, որ կան զբաղմունքներ, որոնք անհամատեղելի են: Վերլուծելով մի շարք մարդկանց վարքագիծը, նրանք եկել են այն եզրահանգման, որ երբ տաղանդավոր ծաղրածուն փորձում է մուտք գործել քաղաքականություն, շատ դեպքերում հասարակությունը կորցնում է շնորհալի դերասանին, փոխարենը ոչինչ չստանալով: Իսկ երբ քաղաքական գործիչն է փորձում իր ուժերը չափել դերասանական այդ ժանրում, որն ի դեպ մեծ տաղանդ է պահանջում, ապա ծաղրածուի փոխարեն հանրության առջև հառնում է մի փառահեղ խեղկատակ:

Արմեն ՄԱՐՏՈՒՆԻ

Լրահոս
Սամվել Ֆարմանյանը ԵԽԽՎ ամբիոնից ուղերձ է հղել Ադրբեջանի ռազմաքաղաքական ղեկավարությանը Ոստիկանին մեղադրանք է առաջադրվել Սարի թաղում և Խորենացի փողոցում տեղի ունեցած դեպքերի վերաբերյալ քննվող քրեական գործի շրջանակներում ԱԱԾ-ն մանրամասներ է հրապարակել Մանվել Գրիգորյանի նկատմամբ քրեական գործի քննության ընթացքից Գյումրիում տեղադրվեց Քըրք Քըրքորյանի հուշարձանը Աղասի Դարբինյանն ընտրվել է Վարչական դատարանի նախագահ Հայտնաբերվել է հասցեատիրոջը չհասած ծաղկեպսակ. ԱԱԾ նոր տեսանյութը Մանվել Գրիգորյանի՝ Արցախի տան խուզարկությունից (Տեսանյութ) Պարզվել են «Կոմայգի» կոչվող տարածքում տեղի ունեցած խուլիգանության դեպքի բոլոր հանգամանքները Սերժ Սարգսյանի եղբայրը բերման է ենթարկվել ոստիկանություն Վրաստանում ադրբեջանցուն սպառնում է 2-6 տարվա ազատազրկում Հայաստանի դեմ գրառման համար Նախարարությունը հորդորում է բացառել կրեմային հրուշակեղենի և լցնովի փափուկ պաղպաղակի օգտագործումը Վերապատրաստված ուսուցիչները պահանջում են տարրական դասարաններում «Տեխնոլոգիա» առարկայի դասաժամերի տրամադրում Վահան Շիրխանյանն ազատ է արձակվել ԱԱԾ-ն բերման է ենթարկել Վաչագան Ղազարյանին ՀՔԾ-ն Մանվել Գրիգորյանի կնոջը ձերբակալելու որոշում է կայացրել Հրազդանի քաղաքապետ Արամ Դանիելյանը հրաժարական կտա «Շատ հավանական է, որ արդեն որոշված է այդ խնդիրը, ուղղակի դեռ հարց է՝ ո՞վ է փոխարինելու Տարոն Մարգարյանին» Դանակահարություն Տիգրան Մեծ պողոտայում (Տեսանյութ, լուսանկարներ) Ավստրալիայում Հայոց ցեղասպանությանն առնչվող բանաձև է դրվել քննարկման Ռազմական ոստիկանները շուրջօրյա ծառայություն կիրականացնեն «Զվարթնոց» օդանավակայանում Սերժ Թանկյանը Հայաստանի հետ կապված հավակնոտ ծրագրեր ունի Վաղարշյան փողոցում 14-ամյա Հայկի որոնողական աշխատանքներն ավարտվել են անարդյունք ՀՀ ոստիկանության աշխատակիցների կողմից գործողություններ են իրականացվում «Էլիպս» ընկերությունում Փաշինյանի գլխավորությամբ Անվտանգության խորհրդի նիստ է գումարվել Բողոքի ակցիա՝ Սեւան-Երեւան ավտոմայրուղում Լիոնել Մեսիին ծննդյան օրը 60-կիլոգրամանոց տորթ են հանձնել Բրոնիցիում Անձնագրային համակարգում ոստիկանություն կարևոր փոփոխություններ է խոստանում Մանվել Գրիգորյանի ծննդավայր արշալույսցիները պահանջում են գյուղապետի հրաժարականը Մենք չենք պարտադրելու, բայց մեծամասամբ ձայնը տալու ենք ՔՊ-ին․ ԵԿՄ ԵԿՄ վարչության շարքերը պետք է լքեն ևս 65 հոգի. ԵԿՄ փոխնախագահ Կպատասխանեմ ամենաշատ like հավաքած 10 հարցերին Մասիսի քաղաքապետին նոր մեղադրանք է առաջադրվել, նա մեղադրվում է խուլիգանության մեջ ԱԻՆ-ը հորդորում է ցերեկային ժամերին խուսափել արեգակի ուղիղ ճառագայթներից ՊԵԿ-ը Երևանում բացահայտել է կեղծ կոնյակի խոշոր խմբաքանակ Բողոքի ակցիա՝ քաղաքապետարանի դիմաց. պահանջում են Տարոն Մարգարյանի հրաժարականը (տեսանյութ) Մանվել Գրիգորյանի որդուն մեղադրանք է առաջադրվել. նա ներգրավված է ՊԲ-ի համար նախատեսված «ՈՒԱԶ»-ների հափշտակման գործում Սրտի ստենտավորման արժեքը կարող է նվազել շուրջ 100 հազար դրամով Հայաստանում հունիսի վերջին օրերին թեժ է լինելու. սպասվում է +40 աստիճան Թուրքիայի նախագահի պաշտոնում վերընտրված Էրդողանին չեն գոհացրել խորհրդարանական ընտրության արդյունքները Երևանում քաղաքացին «Ֆեյսբուք»-ով սպանության սպառնալիքներ պարունակող հաղորդագրություններ է ուղարկել ՄԻՊ-ը մտահոգիչ է համարում պետական իրավասու մարմինների լռությունը լրագրողներին ուղղված սպառնալիքների դեպքերին
Խմբագրի ընտրություն
website by Sargssyan