AM | RU
USD
EUR
RUB

Հասարակությունը նույնպես պետք է պատասխանատու լինի Ազգ-Բանակ գաղափարի կայացման համար

Times.am-ի զրուցակիցն է ազատամարտիկ, «Գևորգյան մարտարվեստի դպրոց» հայրենասիարական-երիտասարդական կենտրոնի հիմնադիր Գևորգ Գևորգյանը:

-Պարոն Գևորգյան, հաշվի առնելով Ձեր անցած մարտական ուղին և ներկայիս գործունեությունը, որն ուղղված է երիտասարդների մարտական պատրաստվածությանն ու ռազմահայրենասիրական դաստիարակությանը, ի՞նչ տեսլականներ ունեք զինված ուժերի դերը հասարակության շրջանում ևս մի նշաձողով բարձրացնելու համար:

-Նախ ասեմ, որ գիտակցական ամբողջ կյանքս կապված է մեր բանակի, երկրի պաշտպանության գործի հետ, նույնիսկ մեծ ցանկության դեպքում ես այլ կերպ արդեն չեմ էլ կարողանում պատկերացնել ինձ: Այն կենտրոնը, որը ես հիմնել եմ ամբողջ իր գործունեությամբ և ծրագրերով, նպատակաուղղված է երիտասարդների ազգային դաստիարակությանը, մարտական արվեստի տիրապետմանը, ռազմական հմտությունների ուսուցանմանը… Պարզապես մեր գործունեության և ծրագրերի մասին մի այլ առիթով խոսենք:

Անդրադառնամ Ձեր կոնկրետ հարցին. Առաջին հերթին հասարակությունը պետք է ունենա այն գիտակցությունը, որ բանակը, մեր զինված ուժերը, մեր երկրի ողնաշարն է, և որքան ամուր է այն, այնքան մենք ուժեղ ենք, իսկ այդ գիտակցության արմատացումը մեզանից յուրաքանչյուրիս գործն է և միայն տեղի և անտեղի քննադատելով երբեք ոչ հարց կլուծես, ոչ էլ էական բան արած կլինես, խոսելը հեշտ է, կոնկրետ ծրագրերով գործ է պետք անել:

Իմ տեսլականը հետևյալն է: Հասարակությանը, մասնավորապես՝ երիտասարդությանը, հարկավոր է ներգրավել տարբեր ռազմակրթական ծրագրերին, կազմակերպել ավագ և երիտասարդ սերունդների միջև ազատ քննարկման, շփման ռազմահայրենասիրական հավաքներ, ռազմական կրթական հաստատությունների դերը և հեղինակությունը բարձրացնել երիտասարդների շրջանում՝ իհարկե կրթական որակի բարձրացմանը զուգահեռ:

Գիտեք մի կարևոր նրբություն կա, ռազմական կրթության որակը էլ ավելի բարձրացնելով և զինված ուժերի սպառազինության մակարդակը էլ ավելի բարձրացնելով մենք՝ այո, շատ կարևագույն հարցեր լուծած կլինենք, բայց դրան զուգահեռ պետք է հասարակության ուշադրությունը դրական առումով էլ ավելի կենտրոնացնել դեպի բանակը, դեպի ռազմական կրթությունը, դեպի հայ զինվորը, դեպի սահմանը, իսկ այդ անելիքները մեզանից յուաքանչյուրինս է, մասնավորապես այն կառույցներինը, որոնք ստեղծվել են այդ նպատակով...

Գիտեք, երբ ես ասում եմ ռազմահայրենասիրկան դաստիարակություն ամենևին նկատի չունեմ այն վերամբարձ և պաթետիկ ճառերը, որոնք հաճախ ենք լսում տարբեր հարթակներից, այլ խոսում եմ կոնկրետ քայլերի, գործի մասին: Մենք պետք է իրապես հասնենք նրան, որ հայ երիտասարդի համար մեծ պատիվ լինի բանակում ծառայելը, ռազմական կրթությունը զարգանա այն աստիճան ու այնքան հեռանկարային լինի և նաև հեղինկություն տա մարդուն, որ երիտասարդները ձգտեն ռազմական կրթություն ստանալ, որ զինծառայողների և ազատամարտիկների սոցիալական հարցերը այնքան հետևողականորեն լուծում ստանան, որ այդ թեմաների շուրջ այլևս տարաբնույթ շահարկումների ականտես չինենք:

Իհարկե այս և այլ հարցերի մասին կարելի է շատ խոսել, սակայն մի բան հստակ է, որ քաղաքական կամքի և մասնագիտական որակների հաշվին հնարավոր է լուրջ ձեռքբերումներ արձանագրել և ես հուսով եմ, որ այդպես էլ կլինի: Ավելին՝ այս պատասխանատվությունը միայն բանակի ղեկավարության վրա չէ, հասարակությունն էլ պետք է պատրաստ լինի աջակցելու, ինչ որ տեղ նաև պատասխանատվություն կրելու, գործ անելու՝ ռազմահայրենասիրությունը մրցունակ գաղափար դարձնելու ուղղությամբ, յուրաքանչյուրն իր ոլորտում՝ իր մասով , իր ծրագրերով, որովհետև Հայոց բանակը յուքանչյուրիս զավակն է: Ոչ միայն նվիրյալները այլև ողջ հասարակությունը պետք է սիրի բանակը իր զավակի պես, եկեք այս ուղղությամբ աշխատենք, իրապես, ռեալ առանց պաթետիզմի, գործով... 

-Թույլ տվեք նկատել, որ վերջին շրջանում ռազմամարտական բազմաթիվ դասընթացների կազմակերպիչներ են հայտվել, իրականում ինչպե՞ս է դա արվում և որքանո՞վ է իրապես ծառայում ռազմամարտական բազային գիտելիքների փոխանցման նպատակին, մենք տեսնում ենք , որ երիտասարդներից շատերը ներգրավված են այդպիսի խմբերում:

- Չեմ կարող հերքել, կա նման տենդենց, երիտասարդին միշտ էլ բոլոր ժամանակներում էլ գրավել է զենքը, մարտական հնարքներին ծանոթանալը, բայց մենք պետք է հաշվի առնենք մի բան, որ ոչ զենքը, ոչ էլ մարտական գիտելիքը դա ժամանց չէ, այստեղ պետք է առավելագույնս խստապահանջ լինել բոլոր այդպիսի նախաձեռնությունների հանդեպ: Նախ հարկավոր է որոշակի ֆիզիկական պատրաստվածության բերել մարդուն, հետո տեսական անհրաժեշտ գիտելիքներով զինել, բարոյահոգեբանական պատրաստվածության բավարար մակարդակի հասցնել և այս ամենից հետո միայն անցնել գործնական դասընթացների: Սա լրջագույն և շատ պատասխանատու գործ է: 

-Ձեր հիմնադրած կենտոնի ծրագրեը բազմազան են, ո՞րն է այն գաղափարը, որը առաջնորդում է ԳՄԴ հայրենասիրական-երիտասարդական կենտրոնի շուրջ համախմբված երիտասարդներին:

-Եթե դու չհարգես քո ազգային ինքնությունը, ոչ ոք չի հարգի, եթե դու քո պետականության նկատմաբ կառուցողական մոտեցումներով չառաջնորդվես, դու չես ունենա ամուր պետականություն-երկիր, եթե դու ինքդ քո նկատմաբ խստապահանջ, և նաև քո քայլերի մեջ հետևողական չլինես, նույնը չես կարող պահանջել ոչ մեկից...և ի վերջո ազգային դաստիարակությունը դա համակարգ է, ոչ թե պաթետիկ ճառեր ու ակադեմիական արտահայտություններ:

Մեր կենտրոնում ուսանում են հայկական մարտարվեստ՝ մարտ վարելու հայկական արվեստ, հայ մշակույթ, հայ ռազմարվեստի պատմություն, ընդհանուր ռազմագիտություն, կրոն...մենք շարունակական ծրագրեր, բաց դասեր են կազմակերպում, երիտասարդների և արցախյան ազատամարտի անվանի, ինչպես նաև հասարակությանը ոչ այդքան հայտի նվիրյալներ հետ, ազատ քննարկումներ: Կենտրոնում մի քանի տարի է արդեն գործում է «Ազատամարտի մասնակիցների միավորում» կրթական կառույցը, շատ են անելիքները: Մենք հիմա տարածքի վերանորոգման աշխատանքներ ենք իրականացնում, շուտով բացվելու է նաև նոր բազմաֆունկցիոնալ լսարան, որտեղ կհամատեղվեն ռազմագիտության տեսական և գործնական դասերը:

-Պարոն Գևորգյան, դուք Ձեր կենտրոնի իրականացրած ծրագրերի և առհասարակ գործունեության մասին քիչ եք խոսում, ո՞րն է պատճառը:

-Միշտ հիշեք, երբ մարդը սկսում է շարունակ խոսել, թե ինքը ինչ շատ, մեծ ու կարևոր գործ է անում, նա այլևս դադարում է այդ պահից գործ անել, տարվում է իր եսով, որը աստիճանաբար վերածվում է փուչիկի, ինչն էլ մի օր պայթում է և վերջ...եթե իսկապես ուզում ես գործ անել, քիչ խոսիր, տարվիր գործով, գործիդ մեջ գաղափար և հոգի դիր, զարգացիր և զարգացրու...

 

Լրահոս
ՄԱԿ-ի գլխավոր քարտուղարը ողջունել է Հայաստանի եւ Ադրբեջանի նախագահների բանակցությունները ԼՂ հարցում բանակցային գործընթացը պահպանելը կնվազեցնի ռազմական առճակատման ռիսկը. Ստանիսլավ Տարասով «Ժողովուրդ». Ոստիկանության և Քննչական կոմիտեի միջև ներքին լարվածության արդյունքում տուժում է քաղաքացին «Ժամանակ». Բաքուն ջանք չի խնայում, որպեսզի ՀՀ-ԵՄ համաձայնագիրը չստորագրվի «Հայկական ժամանակ». Պաղաղբյուրի միջնակարգ դպրոցի փակման պատճառով աշակերտ ունեցող ընտանիքները տեղափոխվել են Մեծավան գյուղ «Ժողովուրդ». ՀՀ Սահմանադրական դատարանի շուրջ հետաքրքիր ինտրիգ է հասունանում «Հրապարակ». «Փարավոն»-ում կնշվի «Կենտրոն» հեռուստաընկերության 15-ամյակը ՕՐՎԱ ԽՈՐՀՈՒՐԴԸ: Հոկտեմբերի 17 Bloomberg-ը հայտնել է պաշտոնյաներ եւ հետախույզներ վարձելու Facebook-ի պլանների մասին ԵՄ-ն կոչ է արել Թրամփին՝ կատարել Իրանի հետ գործարքը հանուն ԱՄՆ-ի ու նրա գործընկերների անվտանգության Մարիամի` Սալվադոր Դալիից ստացած «ժառանգությունն» ու պատահական ծնված հոբբին ՀՀ ԱԺ նախագահ Արա Բաբլոյանը հանդիպումներ է ունեցել Կիպրոսի եւ Իռլանդիայի խորհրդարանների ղեկավարների հետ Ռազմական ինժեներները ՀԱՊԿ զորավարժություններից հետո սկսել են «Ալագյազ» զորավարժարանը պայթունավտանգ նյութերից մաքրելու աշխատանքներ Պայմանավորվել ենք միջոցներ ձեռնարկենք լարվածությունն էլ ավելի թուլացնելու, որպեսզի առաջնագծում չունենանք զոհեր ԱԻՆ-ը զգուշացնում է. Հայաստանի 3 մարզում քամու ուժգնացումը երեկոյան կարող է կրկնվել Դավիթ Բաբայանը համոզված է, որ Ադրբեջանը, ուշ, թե շուտ, փոխելու է իր դիրքորոշումը Հայաստանի և Ադրբեջանի նախագահների հանդիպումն անցել է կառուցողական մթնոլորտում Նախագահ Սարգսյանը Ժնևում հանդիպում կունենա հայ համայնքի ներկայացուցիչների հետ ԼՂ հակամարտության էությունը Արցախի ժողովրդի ինքնորոշման խաղաղ ձգտման մեջ է. Արա Բաբլոյանի ելույթը Սիրիական բանակը ԻՊ-ին շրջապատում Է Դեյր Զորի թաղամասերում ՀՀ տարբեր մարզերում հիմնվելու են տեխնոպարկեր Ժնևում ավարտվել են Սարգսյան-Ալիև բանակցությունները Անկախացումից ի վեր հայկական մամուլը և՛ հաջողություններ, և՛ բացթողումներ է ունեցել. այսօր Հայկական մամուլի օրն է Մեկնարկել է Սարգսյանն-Ալիև առանձնազրույցը Մեկնարկել է ՀՀ փոխվարչապետի գլխավորած պատվիրակության այցը Ամերիկայի Միացյալ Նահանգներ Փոթորիկի լուրերից հետո աշակերտներին ու մանկավարժներին տուն են ուղարկել զգուշավորությունից ելնելով ՀՀ և Ադրբեջանի նախագահների հանդիպումը տեղի է ունենում Հայաստանի համար բարենպաստ պայմաններում. Ալեքսանդր Մանասյան Բակո Սահակյանը հաստատել է ԱՀ Նախագահի 2017-2020թթ. ծրագիրն ի կատարումն ընդունելու մասին կառավարության որոշումը Ժնևում մեկնարկել են Հայաստանի և Ադրբեջանի նախագահների բանակցությունները «Արմենպրես»-ի տնօրենը Սոչիում մասնակցել է ԱՊՀ երկրների ազգային լրատվական գործակալությունների խորհրդի նիստին ԱԻՆ-ը հերքում է Երևանում փոթորիկի մասին տեղեկությունները Նախարար Վարդան Արամյանը շարունակել է հանդիպումները Վաշինգտոնում ԵՄ-ն Հարավային Կովկասում նոր հատուկ ներկայացուցիչ է նշանակել Թոիվո Կլաարին ՀՀ Նախագահ Սերժ Սարգսյանը ժամանել է Ժնև. կկայանա Սարգսյան-Ալիև հանդիպումը Նոր վարկով ՌԴ-ի կողմից զենք մատակարարելու համաձայնագիրը միտված է ՀՀ անվտանգության ամրապնդմանը Արցախի ճակատագիրը չի կարող որոշվել առանց նրա անմիջական մասնակցության ՏԻՄ ընտրություններ. Արտաշատում և Գորիսում կուսակցություններից թեկնածուներ է առաջադրել միայն ՀՀԿ-ն ՀՀ ԱԺ նախագահ Արա Բաբլոյանը երկկողմ հանդիպումներ է ունեցել Սանկտ Պետերբուրգում Բակո Սահակյանն ընդլայնված խորհրդակցություն է հրավիրել ԱՀ Նախագահի 2017-2020 թթ. ծրագրի հիմնական դրույթների վերաբերյալ Բացահայտվել է «Կոնվերսբանկ» ՓԲԸ-ում կատարված ավազակային հարձակումը. կան ձերբակալվածներ
Խմբագրի ընտրություն
website by Sargssyan