Ադրբեջանում ֆինանսական ոլորտի 117 հաստատություններ են լուծարվել
Նմանատիպ
Ադրբեջանում ապահովագրական եւ ֆինանսական ոլորտներում գործունեություն ծավալող ընկերությունների թիվը խիստ կրճատվել է, լուծարվել են 117 հաստատություններ:
Այս մասին Հայտնում է ադրբեջանական fins.az լրատվական կայքը:
Ադրբեջանի վիճակագրության պետական կոմիտեի հրապարակումների համաձայն` 2016 թվականի հոկտեմբերի 1-ի դրությամբ ապահովագրական եւ ֆինանսական ոլորտներում գործունեություն ծավալող ընկերությունների թիվը կազմել է 1545:
Ադրբեջանում կրճատվել է նաեւ առեւտրային կազմակերպությունների թիվը: Հոկտեմբերի 1-ի դրությամբ դրանց թիվը կազմել է 1513:
2016 թվականի սկզբի համեմատ Ադրբեջանում կազմակերպությունների եւ ձեռնարկությունների թիվը 2,9 տոկոսով նվազել է:
Նախորդ տարվանից սկսած նավթի եւ մանաթի արժեզրկման պատճառով Ադրբեջանի տնտեսությունը հայտնվել է ճգնաժամային վիճակում, եւ այդ պատճառով Ադրբեջանում մեկը մյուսի հետեւից փակվում են տեղական եւ արտասահմանյան կազմակերպությունները:
Հետևեք մեզ նաև Telegram-ում