AM | RU
USD
EUR
RUB

Ինչպե՞ս է որոշվելու սուտ մատնության դիտավորյալ կամ պատահաբար լինելու հանգամանքը

Շնորհավորում եմ բոլորիս նոր ընտրական օրենսգրքի առիթով ու հատկապես շնորհավորում եմ ընտրատարածքային հանձնաժողովների նախագահներին: Այսուհետև նրանք կազատվեն վստահված անձանց կազմած արձանագրություններին միջամտելու տաղտկալի պրոցեսից: Այլևս որևէ վիճաբանության անհրաժեշտություն չի լինի: Բավական կլինի միայն արձանագրություն կազմողի կամ ահազանգողի ականջին շշնջալ, որ դրանից սուտ մատնության հոտ է գալիս և վերջ:

Այդ սուտ մատնություն կոչվածն այնքան լայն ու սուբյեկտիվ հասկացություն է, որ ցանկացած ահազանգ կարելի է տեղավորել այդ հոդվածի շրջանակներում ու բողոքողին երկուսից հինգ տարով ուղարկել վաստակած հանգստի: Իհարկե հանուն արդարության պետք է նշել, որ նոր ընտրական օրենսգիրքն իր մեջ պարունակում է նաև մարդասիրական դրույթներ ու ներողամտություն ցուցաբերող երանգներ:

Օրինակ, եթե Պողոսի ահազանգը դիտավորյալ սուտ մատնություն է, նա կդատապարվի մինչև հինգ տարի ազատազրկման, իսկ եթե Պետրոսը պատահաբար է այդ սուտ մատնությունն արել, ասելով. ներող, միամիտ ստացվեց, ապա կկրի համեմատաբար մեղմ պատիժ, ինչ-որ խղճուկ մի երկու տարի: Անշուշտ պատժամիջոցները կարող են փոխարինվել խոշոր տուգանքներով, բայց դրանից տրամաբանությունը չի փոխվում:

Իսկ ինչպե՞ս է որոշվելու սուտ մատնության դիտավորյալ կամ պատահաբար լինելու հանգամանքը: Կարծում եմ, այդ հարցին կդժվարանան պատասխանել նույնիսկ ամենահմուտ իրավաբանները: Սակայն խոշոր հաշվով իրավաբանների կարիք չի էլ լինի: Այն անձը, որն ինչպես ասում են, երկու ոտքը կդնի մի կոշիկի մեջ ու կցանկանա իր էշը առաջ տանել, նրան կտրվի երկարատև ժամանակ` սխալը հասկանալու համար: Իսկ նա, ով տեղում հասկանա իր սխալը, գլուխը կախի ու ամոթից կարմրելով հայցի ներողամտություն, ապա, ինչ խոսք, կներվի: Ինչպես ասում են, կեցցե մեր դատարանը, աշխարհի ամենամարդկային դատարանը:

Ըստ էության, առաջին անգամ Ընտրական օրենսգրքում ամրագրվեց մի դրույթ, որը ոչ թե ունի ընտրախախտումները, այլ ընտրախախտումների դեմ պայքարը կանխարգելող բնույթ: Նման պարագայում առաջին հայացքից ամենազարմանալին ընդդիմության պահվածքն է: Իշխանության համար խոշոր հաշվով մեկ էր նման դրույթ կամրագրվի օրենսգրքում, թե` ոչ: Դա միայն մի փոքր կհեշտացնի նրանց գործը` ազատելով ավելորդ թղթաբանությունից և ոչինչ ավելին:

Առ այս պահը դժվար է հիշել դեպք, երբ իշխանության համակիրը ահազանգած լինի` մատնանշելով ընդդիմության կողմից կատարվող ընտրախախտումները: Այդ ընդդիմության վստահված անձիք ու համակիրներն են տարիներ շարունակ զբաղվել «սուտ մատնությամբ», նրանք են մշտապես դժգոհել իշխանությունների կողմից իրականացվող ընտրախախտումներից:

Այս առումով իշխանություններն ինչպես միշտ շահում են: Իսկ ի՞նչ է շահում ընդդիմությունը` քվեարկելով նաև այս դրույթի օգտին: Առաջին հայացքից թվում է ոչինչ: Ո՞վ կցանկանա ընտրական հանձնաժողովում օրենսդրության ուժ ունեցող դամոկլյան սուրը գլխավերևում կախված, ներկայացնել ընդդիմության շահերը:

Բայց այստեղ առանձնապես մտահոգվելու խնդիր չկա: Նախ ընդդիմությունը երբեք չի ունեցել այնքան ռեսուրս, որ կարողանա ծածկել բոլոր տեղամասերը, բացի այդ երբևէ վստահված անձինք և ոչ մի իշխանությունների օրոք բացի աղմուկ բարձրացնելուց ուրիշ որևէ արդյունքի չեն հասել: Այնպես որ, հանգիստ կարելի է յոլա գնալ առանց աղմուկ աղաղակի ու ԱԺ դահլիճից դուրս գալ հաղթանակի դափնեպսակով, շնորհավորանքներ հղելով հանրությանը:

Սա էլ ըստ էության իշխանություն ընդդիմություն կոնսեսուսն էր ընտրական օրենսգքրի շուրջ: Մեկը զրկում է մյուսին խոսելու հնարավորությունից, փոխարենը տալով ընտրացուցակ, որն այլևս չունի այն նշանակությունը, ինչը ուներ նախկինում և այդ ստորագրված ցուցակների հրապարակումը համարել ընդդիմության ահռելի ձեռք բերում, կարծում եմ, տեղին չէ:

Իսկ թե այս կոնսեսուսի արդյունքում շոշափելի ինչ ձեռք բերում կունենա ընդդիմությունը, կերևա 2017 թվականին:

Կարեն ԿԱՐԱՊԵՏՅԱՆ

Լրահոս
Իգնատի Առաքելյանն անդրադարձել է Հայաստան ներմուծված ԳՄՕ սերմերի հետ կապված խոսակցություններին Եվրամիության հետ նոր համաձայնագիրը նորանոր հեռանկարներ է բացում Հայաստանի առջեւ. Ֆրանսիայի դեսպան Կանադացի պատգամավորը դատապարտել է Արցախի նկատմամբ ադրբեջանական կողմի գործողությունները Իրանում 7-8 բալ ուժգնությամբ երկրաշարժ է տեղի ունեցել. Հայաստանում այն չի զգացվել Կարեն Կարապետյանն այցելել է ՀՀ պաշտպանության նախարարություն Վիճաբանություն Թուրքիայի մեջլիսում. պատգամավորը նախարարին «ուրացող» է անվանել Երևանում բերման է ենթարկվել 35-ամյա ԱՄՆ քաղաքացին Պաղեստինում գրանցված բախումները հեռու են հայկական թաղամասերից Կովկասյան գորշ ցեղատեսակի բուծմամբ կլուծվի նաեւ պարենային ապահովության հարցը Հայտնի են նոր խորհրդարանի ամենաակտիվ և ամենաշատ բացակայող պատգամավորները ՀՀ Նախագահը հրաժեշտի հանդիպում է ունեցել դիվանագիտական առաքելությունն ավարտող Ռումինիայի դեսպանի հետ ՊՆ-ն հայտարարում է տեղեկատվական և հաղորդակցական տեխնոլոգիաների ոլորտներում մասնագիտացված զորակոչիկների մրցույթ Ժամկետային զինծառայող Նարեկ Ադիբեկյանին սպանելու կասկածանքով ձերբակալվել է ծառայակիցը ԼՂ հակամարտությունը ռազմական լուծում ունենալ չի կարող. Ֆրանսիայի դեսպան Հայաստան-Եվրամիություն համաձայնագրի ստորագրումը կարեւոր ազդակ է օտարերկրացի ներդրողների համար Հայաստանում առաջիկա 5 օրերին սպասվում է առանց տեղումների եղանակ ՀՀ կառավարությունն ակնկալում է ՀՆԱ-արտաքին պարտքի հարաբերակցության 55.4 տոկոս ցուցանիշ Հայաստանում սնունդը բարելավելու եւ թերսնուցումը նվազեցնելու ուղղությամբ դպրոցներին կից ջերմատներ կկառուցվեն Մեքսիկան բալանսավորված դիրքորոշում ունի ԼՂ խնդրում. ՀՀ դեսպանի հարցազրույցը «Էլ Ունիվերսալ»-ին Թուրքիայի օդուժը հարվածներ է հասցրել հյուսիսային Իրաքում ՀՀ սահմանին զինծառայողն ականապայթյունային վնասվածք է ստացել. վիճակը կայուն ծանր է ԱԺ-ում մեկնարկել է կառավարության հրավիրած արտահերթ նիստը. ՈՒՂԻՂ Նախագահը հրամանագիր է ստորագրել ՀՀ ԶՈՒ պահեստազորի առաջին խմբի բժշկական կազմի սպաների զորակոչի և զորացրման մասին Արցախում համածառայակցի կողմից արձակված կրակոցից զինծառայող է մահացել «Հրապարակ». Գողականները գալիս են Հայաստան «Ժամանակ». Արթուր Բաղդասարյանը ապրիլի 9-ից հետո կնշանակվի ՍԴ նախագահ «Իրատես». Գալուստ Սահակյան. «Եթե հարուստ է, շատ փող ունի, ամեն ինչ էլ կարող է ուտել» «Հրապարակ». «Կապան մոլ»-ում արտասահմանյան հայտնի բրենդներ են ներկայացված լինելու ՕՐՎԱ ԽՈՐՀՈՒՐԴԸ: Դեկտեմբերի 12 Արամ Ա-ն և Երուսաղեմի լյութերական եկեղեցու առաջնորդը քննարկել են Երուսաղեմի կարգավիճակի հետ կապված հարցեր Արցախը ողջունում է Ստեփանակերտի հետ բարեկամական հարաբերություններ հաստատելու՝ Հոնոլուլուի քաղաքային խորհրդի մտադրությունը Նյու Յորքում ահաբեկչության փորձի հետևանքով երեք հոգի թեթև մարմնական վնասվածքներ են ստացել ՊՆ-ում Զինված ուժերում մարդու իրավունքների եվրոպական չափանիշների կիրառման ամրապնդման վերաբերյալ քննարկում է անցկացվել Նախագահն ընդունել է Գիտության և համաշխարհային հարցերով Պագուոշյան համաժողովների գլխավոր քարտուղարին Ռաֆայել Իսախանյան. «Հայաստան-Ադրբեջան խաղաղության քաղաքացիական պլատֆորմ»-ը խաբեություն է Դպրոցականների ձմեռային արձակուրդները կմեկնարկեն դեկտեմբերի 25-ից Էյջի Տագուչին Հայաստանի բազմավեկտոր քաղաքականությունը առավելություն է համարում ճապոնական ընկերությունների համար Հանձնարարվել է խստորեն վերահսկել երկարացված ժամկետներով շինթույլտվություններով աշխատանքների համար սահմանված ժամանակացույցերի պահպանումը «Իրավունքները պետք է լինեն պաշտպանված՝ անկախ տարածքի կարգավիճակից». Մարդու իրավունքների միջազգային օրը նշվել է Արցախում ՊԵԿ փոխնախագահը վստահեցնում է` ֆիզիկական անձինք երրորդ երկրներից մեքենա ներկրելիս արգելքի չեն հանդիպի
Խմբագրի ընտրություն
website by Sargssyan