Հայաստանում խթանվելու է կոշիկի արտադրությունը
Նմանատիպ
Հայաստանում կոշիկի արտադրությունը առաջիկա երեք տարիների ընթացքում մեծ վերելք կունենա: Այս մասին «Երեւան» տոնավաճառի բացման ժամանակ լրագրողների հետ զրույցում ասաց գործարար Խաչատուր Սուքիասյանը:
Նրա խոսքով`կոշիկի արտադրությունը զարգացնելու համար հարկավոր է նորագույն սարքավորումներ ներկրել մեր երկիր: «Կոշիկ ասելով միայն կաշին ի նկատի չունենք: Կոշիկի արտադրության համար անհրաժեշտ մնացած բաղադրիչները եւս պետք է Հայաստանում արտադրվեն»,– «Արմենպրես»-ի հաղորդմամբ՝ ասաց Սուքիասյանը:
Գործարարը նշեց, որ միջոցներ կհատկացվեն` սկզբնական շրջանում արտադրանքը Հայաստանում, ապա նաեւ Հայաստանից դուրս իրացնելու համար: «Մեզ անհրաժեշտ են նոր սարքավորումները` մրցունակ արտադրանք ստեղծելու համար»,-հավելեց նա:
«Երեւան» տոնավաճառի երրորդ հարկը նախատեսված է լինելու հայկական արտադրության կոշիկի վաճառքի համար:
Հետևեք մեզ նաև Telegram-ում