Brexit-ը, Եվրահանձնաժողովի գնահատմամբ, 65 մլրդ եվրո կնստի Մեծ Բրիտանիայի վրա
Նմանատիպ
Եվրահանձնաժողովը 55-ից մինչեւ 65 մլրդ եվրո է գնահատում Մեծ Բրիտանիայի այն ծախսերը, որոնք կապված են Եվրամիության կազմից երկրի առաջիկա դուրս գալու հետ: Այդ մասին, ինչպես տեղեկացնում է «Արմենպրես»-ը, նոյեմբերի 17-ին հայտնել է Politico եվրոպական հրատարակության էլեկտրոնային տարբերակը:
«Ըստ Եվրահանձնաժողովի գնահատումների, բրիտանիական կառավարությանը հարկ կլինի 55-ից մինչեւ 65 մլրդ եվրո վճարել՝ կատարելու համար ներկայիս բյուջետային պարտավորությունները, նախքան Մեծ Բրիտանիան կլքի դաշինքը»,– գրում է հրատարակությունը:
Այն նշում է, որ բրիտանական «հաշվի» մեծ մասը կտրամադրվի ԵՄ-ի ինստիտուտների նախկին ծառայողների կենսաթոշակների վճարմանը, ԵՄ-ի անդամ երկրներում Մեծ Բրիտանիայի կողմից օժանդակվող ենթակառուցվածքային նախագծերի ֆինանսավորմանը եւ եվրոպացի ֆերմերների համար սուբսիդիաներին:
Եթե Լոնդոնը հրաժարվի կատարել ԵՄ-ի հանդեպ ստանձնած իր ֆինանսական պարտավորությունները, ապա Բրյուսելը կարող է բրիտանական կառավարությանը դատի տալ միջազգային ատյաններում, հաղորդել է ՌԻԱ Նովոստին:
Հետևեք մեզ նաև Telegram-ում