Օբամայի վարչակազմը ձեռնամուխ է լինում գործերի հանձնմանը Թրամփի գործակիցներին
18/11/2016 10:01
Նմանատիպ
ԱՄՆ-ի ներկայիս վարչակազմը, որը հունվարին հեռանում է քաղաքական ասպարեզից, նոյեմբերի 17-ին սկսել է գործերի հանձնումը երկրի նախագահ ընտրված Դոնալդ Թրամփի շրջապատին, տեղեկացնում է «Արմենպրես»-ը:
Ինչպես հայտնել է Սպիտակ տան պաշտոնական ներկայացուցիչ Բրենդի Հոֆինը, «ընտրյալ նախագահի թիմն այժմ արել է բոլոր անհրաժեշտ քայլերը, որպեսզի լիազոր անձանց նախնական խումբն սկսի ունկնդրել ճեպազրույցները եւ ստանալ մյուս նյութերը մեր պաշտոնատար անձանցից, որոնք իշխանության հանձնման համար պատասխանատու են կառավարության առանձին գերատեսչություններում»:
Իր հերթին, ԱՄՆ-ի Պետդեպարտամենտի մամուլի ծառայության պետ Ջոն Քիրբին հայտարարել է, որ արտաքին քաղաքական գերատեսչությունում արդեն կայացել է առաջին շփումը հանրապետական Թրամփի գործակիցների հետ, հաղորդել է ՏԱՍՍ-ը:
Հետևեք մեզ նաև Telegram-ում